Zatrymany namieśnik ministra ŭnutranych spravaŭ. Jaŭhien Połudzień padazrajecca ŭ złoŭžyvańni ŭładaj
abnoŭlena
Hienieralnaj prakuraturaj stvorana śledčaja hrupa i pravodzicca rasśledavańnie.
Hienieralnaj prakuraturaj Biełarusi 8 śniežnia była raspačata sprava pa č. 3 art. 424 Kryminalnaha kodeksa (złoŭžyvańnie ŭładaj abo słužbovymi paŭnamoctvami) u dačynieńni da namieśnika ministra ŭnutranych spraŭ — načalnika milicyi hramadskaj biaśpieki Jaŭhiena Południa. Pra heta paviedamili ŭ Hienprakuratury.
Hienieralnaj prakuraturaj stvorana śledčaja hrupa i pravodzicca rasśledavańnie.
Pavodle niekatorych źviestak, Jaŭhien Połudzień byŭ zatrymany ŭ kancy minułaha tydnia. U dačynieńni da jaho abrana miera strymańnia ŭ vyhladzie źniavoleńnia pad vartu. Abvinavačańnie Południu pakul nie pradjaŭlena. Što kankretna jamu inkryminujecca, pakul nieviadoma.
Namieśnikam kiraŭnika MUS — načalnikam milicyi hramadskaj biaśpieki Jaŭhien Połudzień byŭ pryznačany 4 žniŭnia 2009 hoda.
Krynicy ŭ Ministerstvie ŭnutranych spraŭ zajavili ŚMI, što aryštoŭvali milicejskaha čynoŭnika supracoŭniki KDB.
Na pytańnie radyjo «Svabody», ci sapraŭdy KDB byŭ zadziejničany ŭ hetaj apieracyi, načalnik centra infarmacyi i hramadskich suviaziaŭ KDB Alaksandr Antanovič adkazaŭ: «Biez kamientaroŭ».
Pałkoŭnik Połudzień byŭ adnym z samych blizkich ludziej ciapierašniaha ministra ŭnutranych spravaŭ Kulašova, piša «Biełaruski partyzan». Połudzień byŭ namieśnikam Kulašova, kali toj pracavaŭ načalnikam upraŭleńnia MUS pa Homielskaj vobłaści. Mienavita Kulašoŭ i pieraciahnuŭ jaho za saboj u Minsk na pasadu načalnika hramadskaj biaśpieki HUUS Minska. Zatym Połudzień pierajšoŭ na pasadu načalnika