Abvieščany konkurs na stvareńnie pomnika Mindoŭhu
Udzielničać u konkursie mohuć prafiesijnyja skulptary.
Ministerstva kultury Biełarusi pa ŭzhadnieńni z Hrodzienskim abłvykankamam abjaviła konkurs na stvareńnie eskiznych prajektaŭ pomnika Mindoŭhu (zasnavalniku i pieršamu kniaziu Vialikaha Kniastva Litoŭskaha) u Navahrudku, paviedamiła pres-sakratar Minkultury Hanna Smolskaja.
Metaj konkursu źjaŭlajecca pošuk najbolš vyraznaha vobraza lehiendarnaha kniazia. Kampazicyjnaje i płastyčnaje rašeńni pomnika pavinny być vytrymany ŭ lepšych tradycyjach kłasičnaha i nacyjanalnaha manumientalnaha mastactva.
Udzielničać u konkursie mohuć prafiesijnyja skulptary.
Zajaŭki možna padavać da 10 lutaha 2012 hoda ŭklučna. Materyjały pavinny być pradstaŭleny aŭtarami nie paźniej za 17.00 u halereju Biełaruskaj dziaržaŭnaj akademii mastactvaŭ.
Eskiznyja prajekty buduć razhledžany žury ad 1 sakavika 2012 hoda. Pieramožca atrymaje prava na stvareńnie pomnika Mindoŭhu ŭ Navahradku.
Arhanizatarami konkursu vystupajuć Ministerstva kultury i Biełaruskaja dziaržaŭnaja akademija mastactvaŭ.