U avaryi na Łahojskaj trasie paciarpieli 13 čałaviek

15.12.2011 / 13:51

JAM

Sutyknulisia čatyry mašyny, adna ź ich maršrutka.

Žudasnaja avaryja adbyłasia siońnia ranicaj na Łahojskaj trasie. Jak paviedamlajuć vidavočcy na forumie Onliner.by, u zdareńni ŭdzielničała čatyry aŭtamabili — maršrutnaje taksi i try lehkavuški, paśla sutyknieńnia adna ź jakich apynułasia ŭ kiuviecie. A

dna z mašyn vyskačyła na sustrečnuju pałasu.

Paviedamlajecca pra 13 paciarpiełych, bolšaść ź jakich znachodzicca ŭ ciažkim stanie. Ruch byŭ paralizavany na niekalki hadzinaŭ.

Ranišni čas avaryi daŭ nahodu internaŭtam źviazać jaje pryčyny z štodzionnym pierakryćciom Łahojskaj trasy. A 8-j ranicy pa joj braniravany kartež advozić u Astrašyckuju škołu Kolu Łukašenku. Tym bolš što mašyny z supracoŭnikami DAI padjechali na miesca avaryi litaralna praz paru chvilin. Adnak vyhladaje na toje, što

suviazi pamiž avaryjaj i štodzionnym pierakryćciom trasy niama.

Pa-pieršaje, jak paviedamili ŭ pres-słužbie DAI Minskaj vobłaści, avaryja adbyłasia ŭ 7:20. Trasa «dla Koli» pierakryvajecca značna paźniej. Pa-druhoje, kartež nie jedzie siarod zvyčajnych mašynaŭ — ruch pierakryvajecca kala raźviazak i aŭtamabili supravadžeńnia prajazdžajuć faktyčna pa pustoj darozie. Ale supracoŭniki DAI na trasie ŭ čakańni karteža sapraŭdy dziažurać.

Uskosnuju vinu internaŭty ŭskładajuć na admovu ad pieravodu strełak hadzińnikaŭ.

U papiarednija hady u čas, kali adbyłosia zdareńnie, užo b było śvietła, što źmienšyła b niebiaśpieku avaryi. Pa novym časie bolšaść biełarusy vymušanaja zimoj jechać u ciemry jak na pracu, tak i ź jaje.

Čytajcie taksama:

Kamientary da artykuła