Łukašenka znoŭ lacić u Maskvu

Alaksandr Łukašenka 19–20 śniežnia voźmie ŭdzieł u šerahu sustreč na vyšejšym uzroŭni ŭ ramkach šmatbakovych intehracyjnych abjadnańniaŭ u Maskvie,

Tak, 19 śniežnia ŭ rasijskaj stalicy projdzie pieršaje poŭnafarmatnaje pasiadžeńnie Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ dziaržaŭ. Płanujecca, što ŭ chodzie pasiadžeńnia budzie pryniata rašeńnie ab uvachodžańni ŭ siłu pakieta z 17 bazavych pahadnieńniaŭ, jakija farmirujuć dahavorna-pravavuju bazu Adzinaj ekanamičnaj prastory.

Jak paviedamlaje pres-słužba, u metach raźvićcia dahavora ab Jeŭrazijskaj ekanamičnaj kamisii, padpisanaha prezidentami Biełarusi, Kazachstana i Rasii 18 listapada 2011 hoda ŭ Maskvie, udzielnikami pasiadžeńnia budzie pryniaty šerah rašeńniaŭ, źviazanych z pačatkam funkcyjanavańnia novaha adzinaha rehulujučaha orhana AEP — Jeŭrazijskaj ekanamičnaj kamisii. Buduć zaćvierdžany staršynia i členy kalehii, biudžet novaj kamisii.

«Paradak dnia pasiadžeńnia ŭklučaje taksama abmierkavańnie ałharytma sumiesnych dziejańniaŭ pa pryniaćci ŭzhodnienych mier handlova-ekanamičnaj palityki ŭ vypadku akazańnia ekanamičnaha nacisku na adnu ź dziaržaŭ — členaŭ Mytnaha sajuza, što dazvolić skaardynavana abaraniać intaresy kožnaj ź dziaržaŭ «trojki», — havorycca ŭ pres-relizie.

Płanujecca razhledzieć šerah mižnarodnych dahavoraŭ, jakija farmirujuć dahavorna-pravavuju bazu Mytnaha sajuza.

U hety ž dzień adbudziecca pasiadžeńnie Miždziaržaŭnaha savieta JeŭrAzES na ŭzroŭni kiraŭnikoŭ dziaržaŭ.

U suviazi z pačatkam funkcyjanavańnia z 1 studzienia 2012 hoda Adzinaj ekanamičnaj prastory na pasiadžeńni budzie zaćvierdžany pakiet dakumientaŭ pa arhanizacyi dziejnaści sudovaha orhana Jeŭrazijskaj ekanamičnaj supolnaści — suda JeŭrAzES, jaki budzie raźmiaščacca ŭ Minsku.

20 śniežnia Łukašenka voźmie ŭdzieł u sustrečy kiraŭnikoŭ dziaržaŭ — členaŭ ADKB, a taksama ŭ niefarmalnym pasiadžeńni Savieta kiraŭnikoŭ dziaržaŭ — udzielnic SND, prymierkavanym da 20-hodździa Sadružnaści, paviedamlaje pres-słužba.

Kamientary da artykuła