Niaklajevu nie dali pieradać kvietki dla FEMEN
Nichto z ukrainskaj ambasady da jaho tak i nie vyjšaŭ.
Eks-kandydat u prezydenty, lider hramadzianskaj kampanii «Havary praŭdu» Ŭładzimier Niaklajeŭ razam z byłymi palitviaźniami Siarhiejem Kazakovym, Dźmitryjem Drazdom i Paŭłam Vinahradavym pasprabavaŭ pieradać u ambasadu Ŭkrainy bukiet bieł-čyrvona-biełych ružaŭ dla aktyvistak žanočaha ruchu «Femen», jakija 19 śniežnia ŭdzielničali ŭ akcyi la budynku KDB u Miensku.
Adnak, jak raskazaŭ spadar Niaklajeŭ,
nichto z pradstaŭnikoŭ dyplamatyčnaj misii da ich tak i nia vyjšaŭ.Paetu ŭdałosia pahavaryć praz damafon tolki ź dziažurnym pa ambasadzie, jaki spasłaŭsia na toje, što nikoha z adkaznych supracoŭnikaŭ na pracy niama, a jon nie ŭpaŭnavažany sychodzić sa svajho miesca.
Jak kaža spadar Niaklajeŭ,
daviałosia pakinuć bukiet u aharodžy, a ŭdziačnaść mužnym dziaŭčatam pieradać u vusnaj formie:
«My chacieli pieradać dla ŭkrainskich dziaŭčat, jakich u Biełarusi žorstka abrazili, ździekavalisia, hety bukiet — znak našaha zachapleńnia ich mužnaściu. A taksama prynieści prabačeńni za tyja dziejańni, jakija dapuścili ŭ adnosinach da žančyn biełaruskija ŭłady. Niachaj va Ŭkrainie viedajuć, što nia ŭsie biełarusy moŭčki pryhłynajuć luboje złačynstva, što my nie pakorny statak, nad jakim možna hłumicca».