Abrynuŭsia budynak na vulicy Savieckaj u Breście. Zahinuła žančyna — fota
Siońnia kala
Pa słovach hałoŭnaha dziaržinśpiektara Bresckaha abłasnoha ŭpraŭleńnia Departamienta dziaržaŭnaj inśpiekcyi pracy Ministerstva pracy i sacyjalnaj abarony RB Uładzimira Kasienčuka, pracy na hetym abjekcie ciaham niekalkich dzion pravodziła arhanizacyja «BiełBudStroj». Aharodža na miescy pracaŭ stajała, sihnalnyja znaki byli.
U vyniku abvalvańnia ściany ŭ bok vulicy Savieckaj aharodža ŭpała i prycisnuła pažyłuju žančynu.
Bryhada chutkaj dapamohi, što prybyła na miesca, kanstatavała jaje śmierć.
Na miescy zdareńnia pracujuć supracoŭniki Leninskaha RAUS.
Fota ź miesca zdareńnia na partał Tut.by dasłaŭ Uładzimir Siarko. Jon staŭ śviedkam taho, što zdaryłasia: «Ekskavatar valiŭ ścianu, jakaja praz belki pierakryćcia paciahnuła za saboj fasad budynka.
Pa hetaj vulicy ŭvieś čas hulajuć dzieci.Ścianu nie ŭtrymała navat aharodža. Ździŭlaje, što pamierłaha čałavieka navat nie nakryli, choć prajšło ŭžo bolš za dźvie hadziny».