Rost cen u listapadzie apiaredziŭ rost zarobkaŭ
Naminalnaja naličanaja siaredniamiesiačnaja zarabotnaja płata rabotnikaŭ arhanizacyj Minska skłała 3 młn. 197,2 tys. rubloŭ, što na 6,9% bolš, čym u kastryčniku 2011 hoda (2 młn. 992 tys.). Takija źviestki abnarodavała Hałoŭnaje statystyčnaje ŭpraŭleńnie Minska.
Inflacyja za listapad skłała 8,1%.
Maksimalnaja siaredniaja zarabotnaja płata ŭ listapadzie była ŭ rabotnikaŭ finansavaj dziejnaści — 5 młn. 437,8 tys. rubloŭ, minimalnaja — u rabotnikaŭ haścinic i restaranaŭ (2 młn. 147,7 tys. rubloŭ).
U pramysłovaści siaredniaja zarpłata ŭ Minsku skłałasia na ŭzroŭni 3 młn. 220,9 tys. rubloŭ, budaŭnictvie — 3 młn. 328,2 tys., handli, śfiery ramontu aŭtamabilaŭ, bytavych vyrabaŭ i pradmietaŭ asabistaha karystańnia — 3 młn. 131,5 tys., na transparcie i ŭ śfiery suviazi — 3 młn. 354,9 tys., u arhanizacyjach pa apieracyjach ź nieruchomaściu, arendzie i pradastaŭleńni pasłuh spažyŭcam — 3 młn. 902,9 tys., adukacyi — 2 młn. 122,8 tys., achovie zdaroŭja i śfiery pradastaŭleńnia sacyjalnych pasłuh — 2 młn. 247,2 tys., u śfiery pradastaŭleńnia kamunalnych, sacyjalnych i piersanalnych pasłuh — 3 młn. 244 tys. rubloŭ.