Tyražy «Supierłato» źnizilisia na 150 tysiač biletaŭ
A ŭ pierachodach pa-raniejšamu siadziać ciotački i zaklikajuć nabyvać łatarei.
Błohier Pavieł Bieraśnieŭ paraŭnaŭ statystku pa prodažy łatarejnych biletaŭ u dzień vybaraŭ-2010 i praz hod paśla ich. Roźnica akazałasia ašałamlalnaj.
19.12.2010 hramadzianie kupili 415,7 tysiač biletaŭ, a 18.12.2011 — tolki 219,3 tysiačy.
Kali ŭ śniežni 2010 hoda ŭ siarednim pradavałasia 360-400 tysiač biletaŭ, to praz hod — tolki 210-280 tysiač. Ale heta ništo ŭ paraŭnańni ź minułym navahodnim rozyhryšam, kali kolkaść pradadzienych biletaŭ dasiahnuła 755 tysiač.
Niahledziačy na amal trochrazovaje abiasceńvańnie biełaruskaha rubla, pryzavy fond u rublovym ekvivalencie nie źmianiŭsia.
Kali ŭ listapadzie-śniežni 2010 hoda jon vahaŭsia ad 680 da 780 młn., to sioletniaj vosieńniu jon byŭ amal takim samym — 640-720 młn.
Ludzi bolš nie vierać u lohkuju mahčymaść stać miljanierami albo vyjhrać kvateru ŭ stalicy?