AAC: U Biełarusi nie abmiažoŭvajecca dostup da internet-riesursaŭ, u tym liku zamiežnych

Infarmacyja, što raspaŭsiudžvajecca niekatorymi ŚMI i internet-resursami, ab uviadzieńni adkaznaści za naviedvańnie zamiežnych sajtaŭ nie adpaviadaje rečaisnaści, zajavili ŭ Apieratyŭna-analityčnym centry (AAC) pry Prezidencie Respubliki Biełaruś.

Tut rastłumačyli, što ŭviadzieńnie z 6 studzienia 2012 hoda administracyjnaj adkaznaści za parušeńnie patrabavańniaŭ pa vykarystańniu nacyjanalnaha siehmienta sietki Internet (art. 22.16 Kodeksa Respubliki Biełaruś ab administracyjnych pravaparušeńniach) nakiravana na realizacyju patrabavańniaŭ ukaza numar 60 «Ab mierach pa ŭdaskanaleńniu vykarystańnia nacyjanalnaha siehmienta sietki Internet» ad 1 lutaha 2010 hoda. Źmianieńni pavinny stvaryć spryjalnyja ŭmovy dla biełaruskich subjektaŭ haspadarańnia, zabiaśpiečyć prazrystaść internet-handlu, abaranić intaresy biełaruskich internet-karystalnikaŭ ad zabaronienaj da raspaŭsiudžvańnia zakanadaŭstvam infarmacyi (handal ludźmi, parnahrafičnyja materyjały, prapahanda nasilla, žorstkaści i h.d.), stvaryć umovy dla abarony honaru i hodnaści.

«Zakanadaŭstva nie pieraškadžaje dziejnaści biełaruskich subjektaŭ haspadarańnia pa realizacyi tavaraŭ, vykanańniu rabot i akazańniu pasłuh za miežami Respubliki Biełaruś z vykarystańniem zamiežnych internet-resursaŭ», — padkreślili ŭ AAC.

Da administracyjnaj adkaznaści, udakładnili ŭ AAC, mohuć pryciahvacca tolki jurydyčnyja asoby i indyvidualnyja pradprymalniki Respubliki Biełaruś za ažyćciaŭleńnie na jaje terytoryi dziejnaści pa realizacyi tavaraŭ, vykanańniu rabot i akazańniu pasłuh z vykarystańniem internet-resursaŭ, raźmieščanych za miežami nacyjanalnaha siehmienta sietki Internet.

Kamientary da artykuła