Karupcyja ŭ budaŭnictvie: na skradzienaje za hod možna zbudavać jašče adnu «Minsk-Arenu»
Abo 60 typavych panelnych damoŭ u stalicy.
U intervju pra asablivaści cieniavoj ekanomiki načalnik hałoŭnaha ŭpraŭleńnia baraćby z ekanamičnymi złačynstvami MUS Eduard Nikicin raskazaŭ, jakija haliny ekanomiki źjaŭlajucca najbolš kryminahiennymi.
«Da ich varta adnieści tyja śfiery, dzie raźmiarkoŭvajucca sotni miljardaŭ biudžetnych srodkaŭ. U pieršuju čarhu heta budaŭnictva, sielskaja haspadarka, pierapracoŭčaja pramysłovaść», — adznačyŭ Eduard Nikicin. Jon pryvodzić u prykład acenki mižnarodnych arhanizacyj, jakija ładziać manitorynh za ŭzroŭniem karupcyi va ŭsim śviecie. Zhodna jakich raźlikaŭ, u siektary budaŭnictva na dolu chabaru prypadaje ad 5 da 30% ad ahulnych vydatkaŭ na ŭźviadzieńnie abjekta.
«U 2010 hodzie, naprykład, za košt srodkaŭ biudžetaŭ usich uzroŭniaŭ na budaŭnictva sumarna zatračana zvyš 4,3 trłn rubloŭ. Navat kali brać siaredniuju acenku karupcyjnaha składnika (17%), možna kanstatavać, što za hod kala 730 młrd rubloŭ biudžetnych hrošaj vyviedziena ŭ nielehalny zvarot. A heta nie našmat pieravyšaje ahulny košt takoha abjekta, jak “Minsk-Arena” abo roŭna pa košcie 60 typavych panelnych damoŭ u horadzie Minsku», — zajaviŭ Nikicin.