Mitrapalit Fiłaret: Carkoŭna-dziaržaŭnaje partniorstva ŭ Biełarusi stanovicca plonnym

7.01.2012 / 09:54

«Toje, što jašče 20 hadoŭ tamu mahło zdacca niemahčymym, siońnia — zvyčajnyja fakty našaha žyćcia.

Carkoŭna-dziaržaŭnaje partniorstva ŭ Biełarusi stanovicca bolš stałym i plonnym, napaŭniajecca novym źmiestam. Ab hetym zajaviŭ Mitrapalit Minski i Słucki Fiłaret, Patryjaršy Ekzarch usiaje Biełarusi na schodzie Minskaj jeparchii. Tekst vystupleńnia Jaho Vysokapraaśviaščenstva raźmieščany na aficyjnym sajcie BPC.

«Toje, što jašče 20 hadoŭ tamu mahło zdacca niemahčymym, siońnia — zvyčajnyja fakty našaha žyćcia. C

arkva nie tolki zajaviła pra siabie, pra svaje pravy, ale i stała paŭnapraŭnym udzielnikam hramadskich adnosin u Biełarusi. Bolš taho, jana aktyŭna ŭpłyvaje na farmiravańnie hramadzianskaj supolnaści»,

— adznačyŭ Uładyka.

Kiraŭnik BPC adznačyŭ, što tradycyjnymi stali sustrečy Sinoda Biełaruskaj carkvy z Prezidentam Biełarusi Alaksandram Łukašenkam, na jakich u družalubnaj i daviernaj atmaśfiery abmiarkoŭvajucca samyja važnyja temy carkoŭna-dziaržaŭnych uzajemaadnosin. U 2003 hodzie było padpisana Pahadnieńnie ab supracoŭnictvie Biełaruskaj pravasłaŭnaj carkvy z Respublikaj Biełaruś. «U metach pradaŭžeńnia pabudovy pravavoj bazy carkoŭna-dziaržaŭnaha ŭzajemadziejańnia ŭ Biełarusi byli pryniaty pahadnieńni pamiž Carkvoj i bolšaściu respublikanskich orhanaŭ dziaržaŭnaha kiravańnia, jakija rehulujuć hramadskija adnosiny ŭ adpaviednych śfierach», — skazaŭ jon.

Dla vykanańnia praktyčnych zadač u tych ci inšych halinach žyćcia byli stvorany sumiesnyja carkoŭna-dziaržaŭnyja orhany — kaardynacyjnyja saviety abo rabočyja hrupy. Hetyja struktury pryznačany ŭvasablać u žyćcio pahadnieńni pamiž Carkvoju, ministerstvami i viedamstvami. Rehularna pravodziacca pasiadžeńni kaardynacyjnaha savieta pa supracoŭnictvu Carkvy i dziaržavy, kožnaje ź jakich pryśviečana tym ci inšym važnym napramkam uzajemadziejańnia. Naprykład, u minułym hodzie padpisana Prahrama supracoŭnictva Ministerstva adukacyi i Biełaruskaj pravasłaŭnaj carkvy na 2011–2014 hady.

«Supracoŭnictva Carkvy i dziaržavy raźvivajecca i pahłyblajecca, što, zrešty, nie vyklučaje i asobnyja nieparazumieńni na miescach. Časam davodzicca sutykacca z pamyłkovym razumieńniem pryncypu śvieckaści, jaki moža traktavacca ŭ duchu antycarkoŭnaści i vykazvacca pry dapamozie ideałahičnych štampaŭ daŭno minułych hadoŭ!

Častaj pamyłkaj źjaŭlajecca śćviardžeńnie, zhodna ź jakim Carkva, nibyta, adździelena ad dziaržavy»,

— skazaŭ Mitrapalit. Pry hetym jon padkreśliŭ, što «nie adčužeńnie, a partniorstva dziaržavy i Carkvy źjaŭlajecca kirujučym pryncypam dziaržaŭnaj palityki ŭ relihijnaj śfiery».

«Upeŭnieny, što budučaje — za takoj formaj adnosin.

My ščyra spadziajomsia, što supracoŭnictva Carkvy i dziaržavy pryviadzie da bolš aktyŭnaj asabistaj nakiravanaści da Jevanhiella kožnaha člena našaha hramadstva. Treba pomnić, što sprava zachavańnia miru i ŭnutranaha adzinstva ŭ našym hramadstvie jość ahulnaja sprava Carkvy, dziaržavy, usich hramadzian — razam uziatych abo paasobku», — reziumavaŭ Patryjaršy Ekzarch.

***

Biełaruski Ekzarchat — heta 11 jeparchij, 14 archirejaŭ (3 ź ich vikarnyja), 1555 prychodaŭ i 34 manastyry.

Usiaho ŭ Carkvie słužyć 1485 śviaščeńnikaŭ i 166 dyjakanaŭ. U Ekzarchacie dziejničajuć Minskaja duchoŭnaja akademija, Minskaja i Viciebskaja duchoŭnyja sieminaryi, Minskaje, Słonimskaje i Viciebskaje duchoŭnyja vučyliščy, 654 niadzielnyja škoły, bolš za 100 carkoŭnych arhanizacyj, jakija zajmajucca sacyjalnaj dziejnaściu.

Minskaja jeparchija źjaŭlajecca samaj bujnoj u Biełarusi i naličvaje 392 prychody, na jakich niasuć posłuch 401 śviaščeńnik i 56 dyjakanaŭ.

Dziejničajuć 7 manastyroŭ (2 mužčynskija i 5 žanočych). Pa stanu na studzień 2011 hoda, u jeparchii naličvajecca 167 niadzielnych škoł, u jakich navučajecca 7113 dziaciej i 2121 darosły. Vydajecca 17 najmieńniaŭ carkoŭnych haziet i časopisaŭ, dziejničaje kala 40 pravasłaŭnych internet-sajtaŭ. Pracujuć bolš za 30 prychodskich siastryctvaŭ miłasernaści i zvyš 40 maładziožnych bractvaŭ.

Čytajcie taksama:

Kamientary da artykuła