Novaja infarmacyja: Sapraŭdnaja zima pryjdzie ŭ kancy tydnia z zaviruchami i marozam

Prahnoz nadvorja na tydzień.

Paśla čarhovaj adlihi da vychadnych u Biełarusi ŭstanovicca pa-sapraŭdnamu zimovaje nadvorje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 9 studzienia na videabryfinhu ŭ Minsku. Takim čynam, pavodle jaho słoŭ, na hetym tydni nadvorje budzie nasić niaŭstojlivy charaktar.

U pieršaj pałovie tydnia čakajecca słaby maroz.

U sieradu nočču ŭ asobnych rajonach projdzie nievialiki śnieh, dniom na bolšaj častcy terytoryi śnieh, mokry śnieh, pa zachadzie apadki ŭ vyhladzie mokraha śniehu i daždžu, słaby hałalod, na asobnych učastkach daroh hałalodzica. Tempieratura pavietra nočču minus 7°S, pry prajaśnieńniach da minus 10°S, dniom ad minus 4°S pa ŭschodzie da plus 4°S pa zachadzie.

Z čaćviarhana terytoryju Biełarusi znoŭ pačnie pastupać ciopłaje atłantyčnaje pavietra i ŭstanovicca syroje i vietranaje nadvorje. U čaćvier na bolšaj častcy terytoryi krainy čakajucca apadki ŭ vyhladzie mokraha śniehu, jaki budzie pierachodzić u doždž. Nočču i ranicaj miescami hałalod, na darohach hałalodzica. Dniom pa zachadzie Biełarusi čakajecca ŭzmacnieńnie vietru z paryvami da 13–20 m/s.

Tempieratura pavietra nočču ad minus 4°S pa ŭschodzie da plus 4°S pa zachadzie, dniom 0°S — plus 5°S, u krajnie zachodnich rajonach da plus 7°S. Taki tempieraturny režym na 6–9°S vyšejšy za klimatyčnuju normu,

U piatnicu na bolšaj častcy terytoryi krainy čakajucca apadki ŭ vyhladzie daždžu, jaki budzie pierachodzić u mokry śnieh, i ŭzmacnieńnie vietru z paryvami da 15–20 m/s. Tempieratura pavietra na praciahu sutak minus 2°S — plus 4°S.

U vychadnyja na terytoryju Biełarusi pačnie pastupać bolš chałodnaje pavietra. U mnohich rajonach čakajecca śnieh, słabaja miacielica.

U najbližejšyja sutki ŭ Hrodnie čakajecca nočču nievialiki śnieh, dniom bieź istotnych apadkaŭ. Nočču i ranicaj słaby tuman, imža. Tempieratura pavietra nočču minus 1–3°S, dniom minus 1°S — plus 1°S.

U Breście bieź istotnych apadkaŭ, nočču i ranicaj słaby tuman, imža, tempieratura pavietra nočču minus 1–3°S, dniom 0°S — plus 2°S.

U Homieli nočču bieź istotnych apadkaŭ, dniom nievialiki śnieh, mokry śnieh, tempieratura pavietra minus 2–4°S, dniom kala 0°S.

U Mahilovie dniom bieź istotnych apadkaŭ, nočču nievialiki śnieh, mokry śnieh. Tempieratura pavietra nočču minus 4–6°S, dniom 0°S — minus 2°S.

U Viciebsku časam nievialiki śnieh, tempieratura pavietra nočču minus 5–7°S, dniom 0°S — minus 2°S.

U Minsku ŭ najbližejšyja sutki čakajecca pachmurnaje z prajaśnieńniami nadvorje, nievialiki śnieh, mokry śnieh, na asobnych učastkach daroh hałalodzica, viecier pieramiennych napramkaŭ 3–8 m/s. Tempieratura pavietra nočču minus 3–5°S, dniom kala 0°S.

Kamientary da artykuła