Praz hranicu ciahajuć kantrabandny tavar...

Paśla niekatoraha zacišša na navahodnija i kaladnyja śviaty na miažy znoŭ aktyvizavalisia tytuniovyja kantrabandysty.

Tak, u punkcie propusku «Bihosava-1» nočču 11 studzienia pry afarmleńni na vyjezd hruzavoha ciahnika Połack — Daŭhaŭpiłs połackija pahraničniki sumiesna z supracoŭnikami milicyi ŭ paŭvahonie z vuhalem znajšli 50 karobak cyharet — 25 tysiač pačkaŭ koštam 66 miljonaŭ rubloŭ. Kab dastać ich usie, spatrebiłasia bolš jak dźvie hadziny. Haspadar hruzu nie abjaviŭsia.

Hramadzianin Łatvii praz punkt propusku «Katłoŭka» sprabavaŭ vyvieźci ŭ kanstruktyŭnych asablivaściach svajho «Falksvahiena» kala 6,5 tys. pačkaŭ cyharet prykładna na 20 miljonaŭ rubloŭ. Papiaredniaja suma acenki aŭtamabila, zatrymanaha da rašeńnia suda, — 34 miljony rubloŭ.

Usiaho za minułyja sutki pamiežniki praduchilili vosiem sprob nielehalnaha vyvazu cyharet. Uvieś nielehalny hruz kanfiskavany. Da rašeńnia suda zatrymana šeść inšamarak.

Kamientary da artykuła