U centry Minska ŭstalujuć infarmacyjnyja ŭkazalniki. Pa-anhlijsku i pa-rasijsku

+ udakładnieny adras, na jaki varta pisać, kab zrabili šyldy pa-biełarusku

Adnak rasijskuju movu možna zamianić na biełaruskuju. Kančatkovaje rašeńnie jašče nie pryniataje.

Užo sioleta ŭ Minsku ŭstalujuć infarmacyjnyja ščyty i strełki-ŭkazalniki, jakija dapamohuć zamiežnikam lepš aryjentavacca ŭ horadzie.

Dla hetaha vyznačanyja 44 turystyčnyja miescy. Heta parki imia Maksima Horkaha i Čaluskincaŭ, rajon opiernaha teatra, Niamiha i inšyja abjekty.

Chutčej za ŭsio, nadpisy na ŭkazalnikach buduć vykananyja na rasijskaj i anhlijskaj movach.

«Jak varyjant — rasijskuju movu možna zamianić na biełaruskuju. Kančatkovaje rašeńnie pa hetym pytańni jašče nie pryniata», — dadali śpiecyjalisty Infarmacyjna-turystyčnaha centra «Minsk».

Z aryjentacyjaj u horadzie turystam pavinien dapamahčy i mabilny daviednik pa Minsku. Pakul u jaho ŭklučany tolki histaryčny centr, prahrama dapracoŭvajecca. Z časam jaje možna budzie zapampavać u internecie i zahruzić u telefon.

Kantaktnyja dadzienyja infarmacyjna-turystyčnaha centra «Minsk»:

220030, Minsk, Revalucyjnaja, 24-16

Telefon +375 17 2033995

e-mail: tic-minsk@mail.ru

Dyrektar - Alena Paŭłaŭna Plis

Kamientary da artykuła