Sud pastanaviŭ spahnać z «Brestenierha» na karyść Alfa-banka $18,5 młn

Arbitražny sud Maskvy ŭ aŭtorak zadavoliŭ pozvu Alfa-banka i vyrašyŭ spahnać ź biełaruskaha AAT «Brestenierha» $18,5 młn pazyki pa kredytnaj damovie.

Na pasiedžańni sud u suviazi z častkovym pahašeńniem pazyki źmienšyŭ sumu z $21,3 młn da $18,5 młn.

Bank prosić praz sud daterminova viarnuć hrašovyja srodki ŭ suviazi ź nienaležnym pahašeńniem pracentaŭ pa kredycie i vykanańniem hrafika pa pahašeńni asnoŭnaj pazyki. Hrašovyja srodki byli dadzienyja na termin da 20 śniežnia 2013.

Na pasiedžańni adznačałasia, što kampanija praterminavała pahašeńnie hrašovych srodkaŭ u suviazi ź situacyjaj na valutnym rynku, jakaja była ŭ respublicy, a ciapier pahašaje kredyt u adpaviednaści z hrafikam.

Jak zajaviŭ pradstaŭnik Alfa-banka, kredyt u pamiery $10,8 młn davaŭsia adkazčyku piaćciu tranšami. Uletku kampanija dapuściła praterminoŭku pa vypłacie płaciažoŭ pa kredycie, u suviazi z čym bank spačatku nakiravaŭ kampanii patrabavańnie ab daterminovym pahašeńni pazyki, a zatym padaŭ pozvu ŭ sud.

Pradstaŭnik adkazčyka, u svaju čarhu, zajaviŭ, što praterminoŭka płaciažoŭ pa kredytach była vyklikanaja situacyjaj u Biełarusi, kali na valutnaj biržy krainy niemahčyma było kupić valutu. Kali situacyja narmalizavałasia, kampanija ŭ vieraśni pačała pahašać pazyčanaść.

Bank adkryŭ kredytnuju liniju «Brestenierha» viasnoj 2010 hoda.

Kamientary da artykuła