Aeraport Minsk-1 dałučyli da Nacyjanalnaha aeraporta Minsk

U suviazi z rearhanizacyjaj Nacyjanalnaha aeraporta Minsk šlacham dałučeńnia da jaho UP «Aeraport Minsk-1» u vyhladzie filijała rašeńniem Minskaha haradskoha vykanaŭčaha kamiteta aeraport Minsk-1 vyklučany z Adzinaha dziaržaŭnaha rehistra jurydyčnych asob i indyvidualnych pradprymalnikaŭ, — prainfarmavali śpiecyjalisty.

Jak rastłumačyŭ namieśnik dyrektara Departamienta pa avijacyi Ministerstva transpartu i kamunikacyj Uładzimir Kościn, rearhanizacyja nakiravana na zabieśpiačeńnie biasstratnaj raboty pradpryjemstva. «Funkcyjanavańnie dvuch aeraportaŭ jak adzinaha kompleksu daść mahčymaść aptymizavać rabotu pa absłuhoŭvańniu pavietranych sudnaŭ, najlepšym čynam raźmierkavać funkcyi i abaviazki, — adznačyŭ Uładzimir Kościn. — Pakolki z raźvićciom Minska i pašyreńniem zabudovy mahčymaści aeraporta Minsk-1 pa pryjomcy pavietranych sudnaŭ stanavilisia abmiežavanymi». Čakajecca, što ciapier rabota aeraporta budzie aryjentavana pieravažna na absłuhoŭvańnie małych samalotaŭ, najpierš biźnies-rejsaŭ, čartarnych rejsaŭ z vip-piersonami.

Namieśnik kiraŭnika Departamienta pa avijacyi dadaŭ, što rearhanizacyja nie pryviała da skaračeńnia rabotnikaŭ aeraporta Minsk-1.

Kamientary da artykuła