ZŠA, Vialikabrytanija i Francyja asudzili prodaž Rasijaj zbroi Siryi
Vialikabrytanija, Francyja i ZŠA asudzili ŭ aŭtorak u Radzie Biaśpieki AAN prodaž Rasijaj zbroi Siryi, zajaviŭšy, što hetyja dziejańni spryjajuć eskałacyi hvałtu ŭ krainie.
Nie zhadvajučy Maskvu naŭprost, ale vyrazna daŭšy zrazumieć, što jany majuć na ŭvazie mienavita Rasiju, u svaich vystupach na pasiedžańni Rady Biaśpieki AAN, pryśviečanym abmierkavańniu situacyi na Blizkim Uschodzie ŭ cełym, pradstaŭniki troch zachodnich dziaržavaŭ raskrytykavali ŭhody pa prodažy zbroi, zaklučanyja Maskvoj z Damaskam.
Rasija apynułasia ŭ centry ŭvahi, bo rasijski karabiel z bojeprypasami na borcie zajšoŭ u siryjski port Tartus, a zusim niadaŭna źjavilisia paviedamleńni pra toje, što rasijski ŭrad padpisaŭ pahadnieńnie ź Siryjaj ab prodažy hetaj krainie 36 źniščalnikaŭ na ahulnuju sumu kala $500 młn.