Vojska ZŠA piarojdzie na bieśpiłotniki, kiravanyja štučnym intelektam
U najbližejšyja tryccać hadoŭ armija ZŠA pačnie vykarystoŭvać bieśpiłotniki, zdolnyja samastojna prymać rašeńni ab likvidacyi abjektaŭ.
Źjaŭleńnie takich robataŭ stanie mahčymym dziakujučy raspracoŭcy zvyšchutkasnych kampjutaraŭ i novaha prahramnaha zabiaśpiečańnia, paviedamlaje Reuters.
Dyskusija pra etyčnaść vykarystańnia novaha typu robataŭ razharełasia paśla taho, jak 26 studzienia Pientahon abviaściŭ ab zakupcy 100 tysiač bieśpiłotnikaŭ, što šyroka vykarystoŭvajucca ŭ Afhanistanie.
Ciapier mašyny dystancyjna kirujucca apieratarami z ZŠA, adnak u budučyni čałaviečy faktar płanujecca vyklučyć,zamianiŭšy jaho sistemami štučnaha intelektu, havorycca ŭ dakładzie VPS ZŠA ab płanie raźvićcia bieśpiłotnych lotnych aparataŭ da 2047 hoda.
«Sistemy zmohuć prymać bajavyja rašeńni i dziejničać u pravavym poli biez pryciahnieńnia čałaviečaha faktaru», — havorycca ŭ dakładzie.