Pucin nie vyklučaje druhoha tura na sakavickich vybarach
Ale papiaredžvaje pra destabilizacyju palityčnaha stanovišča ŭ Rasii.
Prem'jer-ministr i kandydat u prezidenty Rasii Uładzimir Pucin zajaviŭ, što hatovy da druhoha turu prezidenckich vybaraŭ. Pry hetym jon pieraściaroh, što druhi tur nie vyklučaje destabilizacyi palityčnaj situacyi ŭ krainie.
«Druhi tur niepaźbiežna budzie źviazany z praciaham peŭnaj baraćby, a značyć, viadomaj destabilizacyjaj u palityčnaj našaj situacyi. Ale ničoha tut strašnaha niama, ja da hetaha hatovy, kali spatrebicca, budziem pracavać u druhim tury», — skazaŭ na sustrečy z aktyvistami moładzievaha kryła Asacyjacyi jurystaŭ Rasii, jakija vykazali žadańnie stać naziralnikami na vybarach ad štaba Pucina.
Pry hetym jon zajaviŭ, što nie choča i nie budzie pracavać biez padtrymki nasielnictva, i zaklikaŭ svaich prychilnikaŭ abaviazkova pryniać udzieł u vybarach.
«Isnuje niebiaśpieka, zhodna ź jakoj mnohija ludzi, maje prychilniki mohuć nie pryjści, ličačy, što i tak jon pieramoža i nam rabić niama čaho [na vybarach].