Kamu naležyć uvachod u internet?

pasłuhami jakoha pravajdara karystajeciesia Vy? i što jakaść?

Chto z pryvatnych pravajdaraŭ sprabuje dać boj manapalistu «Biełtelekamu»?

U Biełarusi pracuje kala 40 internet-pravajdaraŭ, ale bolšaść ź ich — drobnyja kampanii, śpis abanientaŭ jakich nie naličvaje i niekalki tysiač čałaviek. Siarod ich šmat byłych łakalnych kampjutarnych sietak. Niekatoryja ź ich paśla prymusovaj lehalizacyi pieraŭtvarylisia ŭ akcyjaniernyja tavarystvy, inšyja dałučylisia da macniejšych susiedziaŭ.

Jość i zusim ekzatyčnyja pravajdery, naprykład, Hałoŭnaje haspadarčaje ŭpraŭleńnie Kiraŭnictva spravami prezidenta (Belisp).

Pavodle padlikaŭ Ministerstva suviazi Biełarusi,

abanienckaja baza šyrokapałosnaha dostupa da internetu pieravyšaje 2 miljony čałaviek. Mabilnym internetam tym časam karystajucca kala 1,8 miljona biełarusaŭ.

A voś siarod astatnich pravajdaraŭ bolšaja raznastajnaść. Kožny moža vyrašyć dla siabie, kamu płacić hrošy za internet — dziaržavie, pryvatniku ci zamiežnikam.

«Naša Niva» raskazvaje pra ŭłaśnikaŭ piaci najbolš papularnych kampanij, jakija pradastaŭlajuć šyrokapałosny dostup da internetu.

1. ByFly («Biełtelekam»)

Akcyjanier — Fond dziaržaŭnaj majomaści Biełarusi.

Samy prybytkovy i samy papularny pravajder krainy nie hublaje svajho lidarskaha pałažeńnia. «Biełtelekam», u adroźnieńni ad kankurentaŭ, faktyčna nie maje ŭnutranych resursaŭ, ale dazvalaje padklučycca da nieabmiežavanaha internetu ledź nie ŭ kožnaj kropcy krainy.

Hetaha chapaje, kab mieć bolš za 1 150 tysiač abanientaŭ.

Niahladziečy na pastajannyje pretenzii z boku kankurentaŭ, pravajder naroščvaje klijenckuju bazu. Bałansavy košt nacyjanalnaha apieratara aceńvajecca dziaržavaj u $2 miljardy.

2. «Atłant-Telekam» («Alternatyŭnaja ličbavaja sietka»)

Akcyjaniery — «Zubr Kapitał» (Aleh Chusajenaŭ), Jeŭrapiejski bank rekanstrukcyi i raźvićcia.

Najbujniejšy pryvatny pravajder moža pachvalicca pryblizna 170 tysiačami abanientaŭ. Tracina ź ich była zdabyta niekalki dzion tamu, kali akcyjaniery chołdynha kupili 100% akcyj kampanii «Soła». Pakul pravajder pracuje tolki ŭ abłasnych centrach. Pryjemna, što

fizičnym asobam pradastaŭlajecca internet pad biełaruskamoŭnym brendam «Šparki Damavik».

«Alternatyŭnaj ličbavaj sietkaj» kiruje inviestycyjnaja kampanija «Zubr Kapitał» na čale ź miljanieram Aleham Chusajenavym, jaki viadomy pieradusim praz svoj aŭtamabilny biznes — kampaniju «Atłant-M».

Jeŭrapiejski bank rekanstrukcyi i raźvićcia vałodaje 35% akcyj chołdynha. Ź jaho dapamohaj «Zubr» paśpiachova skuplaje drobnych pravajdaraŭ. Naprykład, da «Soła» była vykuplena homielskaja «Telesietka». Hienieralny dyrektar «Atłant-Telekama» Ihar Sukač kaža, što pieramovy ab źlićci ź inšymi pravajdarami viaducca pastajanna. Sapraŭdy, kab dać boj «Biełtelekamu», treba mieć salidnuju abanienckuju bazu.

3. «Kosmas TB»

Akcyjaniery — Respublikanski radyjotelevizijny pieradajučy centr (dziaržava), International Telcell, Inc («Renova», rasijanin Viktar Vieksielbierh).

Pryjarytetnym nakirunkam minskaha apieratara «Kosmas TB» zastajecca telebačańnie (kala 150 tysiač abanientaŭ), ale i karystalnikaŭ interneta naličvajecca šmat — kala 80 tysiač čałaviek.

50% akcyj pravajdara pa-raniejšamu naležać dziaržavie, druhoj pałovaj vałodaje rasijski aliharch Viktar Vieksielbierh.

Płanaŭ vychadu za miežy stalicy pravajder nie vykazvaŭ.

4. «Dziełavaja sietka»

Akcyjaniery — «BT Telekamunikacyi» (Uładzimir Piefcijeŭ), Kenwood Corporation Ltd (Anhlija), «Biełtelekam».

Na reputacyi «Dziełavoj sietki» peŭny adbitak pakidaje blizkaść da biełaruskaha aliharcha Uładzimira Piefcijeva. Heta adziny pravajder, suprać jakoha ŭskosna byli ŭviedzienyja sankcyi Jeŭrasajuza.

Kampanija była stvorana ŭ 1998 hodzie pa inicyjatyvie Ministerstva suviazi Biełarusi. Akcyi byli padzielenyja pamiž anhlijskaj karparacyjaj Kenwood Corporation Ltd, «Biełtelekamam» i «Biełtechekspartam» Piefcijeva.

Za košt blizkaści da resursaŭ «Biełtelekama» kampanija pracuje ŭ 15 haradach Biełarusi. Jaje pasłuhami karystajucca kala 50 tysiač čałaviek. «Dziełavaja sietka», taksama jak i «Biełtelekam», maje prava pradavać inšym pravajdaram dostup da internetu.

5. MTIS

Akcyjanier — Minharvykankam.

Jašče adzin dziaržaŭny manapalist, Minskija televizijnyja infarmacyjnyja sietki, moža zabiaśpiečyć internetam kožnuju minskuju kvateru praz televizijny kabiel. Zastałosia zaachvocić abanientaŭ, a z hetym pakul prablema. Pasłuhami pravajdara karystajucca kala 20 tysiač čałaviek.

* * *

Pasłuhami jakoha pravajdera karystajeciesia Vy? Adkazvajcie ŭ kamientarach.

Kamientary da artykuła