Fotafakt: Jak u Breście ratujuć lebiedziaŭ
Na dapamohu ptuškam, što zimujuć na Muchaŭcy, pryjšli supracoŭniki MNS.
6 lutaha supracoŭniki Bresckaha haradskoha adździeła pa nadzvyčajnych situacyjach pačali apieracyju pa ratavańni lebiedziaŭ, jakija tradycyjna zimujuć na race Muchaviec.
Hetyja ptuški kožny hod zastajucca na zimoŭku ŭ Breście. Sioleta z-za poźniaha nastupleńnia chaładoŭ zimavać u horadzie zastalisia bolš jak 150 lebiedziaŭ-šypunoŭ. U apošnija dni nievialikaja pałonka, u jakoj jany znachodzilisia i karmilisia, stanaviłasia ŭsio mienšaja. Napiaredadni adna ptuška zahinuła. Na vyručku lebiedziam pryjšli supracoŭniki MNS — śpiecyjalisty vadałaznaj słužby pažarnaha avaryjnaha ratavalnaha atrada razrezali lod, pavialičyŭšy pałonku. Nieabyjakavymi da losu ptušak akazalisia i brestaŭčanie, jakija, niahledziačy na maroz, prynosiać da zamierzłaj raki korm.