Novy čatyrochzorkavy hatel na praspekcie Mašerava
U Minsku sioleta adkryjecca novy hatel «Viktoryja» kłasa «čatyry zorki», paviedamili BiełaPAN u hatelna‑servisnym kamunalnym unitarnym pradpryjemstvie «Stalica». Hatel raźmieščany na praśpiekcie Pieramožcaŭ niepadalok ad zavoda «Atłant».
Zamoŭcy budaŭnictva płanujuć, što hatel adkryjecca praz 130 dzion.
Jak zaznačyŭ dyrektar pradpryjemstva Barys Krycki, «u krainie heta pakul adziny abjekt takoha kłasa, što abjadnaŭ u sabie funkcyi biźniesu i adpačynku». «U cełym my jaho pazicyjanujem jak centr kamiercyjnych suviaziaŭ z hatelnym kompleksam», — skazaŭ jon.
U hateli budzie 115 adnamiesnych numaroŭ, 45 dvuchmiesnych, vosiem luksaŭ i apartamienty. U numarach praduhledžana mižnarodnaja telefonnaja suviaź, vysakachutkasny dostup u Interniet, interaktyŭnaje telebačańnie. U hateli budzie pracavać kanfierenc‑zała, pakoj dla pieramoŭ, VIP‑zała. Možna budzie pakarystacca pasłuhami sakratara‑refierenta, pierakładčykaŭ, kapiravalna‑razmnažalnaha centra.