Dla achovy biełaruskaj AES stvarajecca śpiecbataljon
Da 2015 hoda ŭ Biełarusi
płanujecca stvaryć 11-y śpiecyjalny bataljon unutranych vojskaŭ MUS pa achovie AES,paviedamiŭ staršynia pastajannaj kamisii pałaty pradstaŭnikoŭ pa nacyjanalnaj biaśpiecy Ihnacij Misurahin.
"Da 2015 hoda budzie stvorana hetaja vajskovaja častka", -- skazaŭ deputat. Jon rastłumačyŭ, što
ŭ zakonaprajekcie pa ŭniasieńni papravak u zakon "Ab unutranych vojskach Ministerstva ŭnutranych spraŭ Respubliki Biełaruś", pryniataha ŭ pieršym čytańni ŭ śniežni minułaha hoda, jość adpaviednaja norma. Jana praduhledžvaje, što ŭ składzie ŭnutranych vojskaŭ možna budzie stvarać złučeńni i voinskija častki pa achovie asabliva važnych dziaržaŭnych abjektaŭ i śpiecyjalnych hruzaŭ.
Akramia taho,
dakumient praduhledžvaje źmianieńnie nazvy złučeńniaŭ i voinskich častak apieratyŭnaha pryznačeńnia na złučeńni i voinskija čaści śpiecyjalnaha pryznačeńnia. Heta tyčycca znakamitaj 3-j bryhady apieratyŭnaha pryznačeńnia (častka № 3214).
Prajekt zakona zakranaje i pytańni padrychtoŭki kadraŭ dla ŭnutranych vojskaŭ. U tym liku ŭ zakonie prapanujecca zamacavać pałažeńnie ab padrychtoŭcy śpiecyjalistaŭ pa hetym profili dla inšych dziaržaŭ. Taki vopyt ŭžo maje fakultet unutranych vojskaŭ Vajennaj akademii Biełarusi. Taksama kadry dla UV MUS rychtujucca i na vajennych fakultetach roznych VNU respubliki. Padrychtoŭka idzie pa takich śpiecyjalnaściach, jak kamandzir strałkovaha adździaleńnia abo patrulnaha padraździaleńni, kantralor pa nahladzie za asudžanymi viadziecca na vučebnaj bazie samich ŭnutranych vojskaŭ. Častka śpiecyjalistaŭ, u tym liku vadzicielaŭ, rychtuje DTSAAF.
Akramia hetaha, prajekt zakona praduhledžvaje zamacavańnie statusu jurydyčnaj asoby za orhanami vajennaha kiravańnia, złučeńniami i voinskimi častkami US MUS, jak zroblena va Uzbrojenych Siłach Biełarusi.