Kyrhyzstan patrabuje ad Biełarusi vydać Bakijeva i jaho brata
Pra heta zajaviŭ prezident Kyrhyzstana.
Kyrhyzstan prosić Biełaruś vydać kyrhyzskamu sudu byłoha prezidenta Kurmanbieka Bakijeva i jaho brata, što kiravaŭ rasstrełam demanstrantaŭ padčas padziej krasavika 2010 hoda,skazaŭ prezident Kyrhyzstana Ałmaźbiek Atambajeŭ u efiry radyjostancyi "Echo Moskvy".
"My prosim vydać nie tolki byłoha prezidenta,
tam jość jašče strašny čałaviek — brat prezidenta, jaki kiravaŭ rasstrełam demanstrantaŭ, pryčym była dadzienaja kamanda stralać tolki ŭ hałavu i ŭ hrudzi", — skazaŭ Atambajeŭ.
Atambajeŭ nie kamientavaŭ padrabiazna infarmacyju pra toje , što Bakijeŭ atrymaŭ biełaruskaje hramadzianstva, adznačyŭšy, što "heta prava prezidenta Biełarusi, kamu davać pašpart".
Paśla ŭciokaŭ z Kyrhyzstana zrynuty Bakijeŭ žyŭ u Biełarusi ŭ adnoj z uradavych rezidencyj. U pačatku lutaha 2012 hoda ŚMI paviedamili, što Bakijeŭ jašče ŭ 2010 hodzie staŭ hramadzianinam Biełarusi. U biełaruskim MUS hetu infarmacyju nie paćvierdzili i nie abvierhli.