Siarhiej Kavalenka praciahvaje haładoŭku
Sud daŭ jamu dazvoł na sustreču z žonkaj.
Alena Kavalenka paśla vyniasieńnia prysudu mužu 24 lutaha 2012 h., fota BiełaPAN.
Sud Pieršamajskaha rajona Viciebsku daŭ asudžanamu na 2 hady i 1 miesiac kałonii aktyvistu KCHP BNF Siarhieju Kavalenku dazvoł na spatkańnie z žonkaj. Jak paviedamiła
Siońnia Alena Kavalenka naviedała siońnia śledčy izalatar Viciebska, dzie mieła hutarku z kiraŭnikom miedycynskaj častki. Toj paviedamiŭ, što Siarhiej praciahvaje haładoŭku, ale pje vadu.
«Stan zdaroŭja ŭ jaho zdavalniajučy, u terminovaj špitalizacyi nie maje patreby, ad miedycynskaj dapamohi admaŭlajecca»,— paviedamiŭ Alenie turemny lekar Ščarbakoŭ.
Siarhiej Kavalenka haładaje na znak pratestu suprać niezakonnaha aryštu i patrabuje, kab miedycynskuju dapamohu jamu akazvali nie ŭ turemnym, a ŭ cyvilnym špitali. Turemnym lekaram jon nie daviaraje. Raniej Alena praź SIZA pieradavała Siarhieju vitaminy, ale ich viarnuli, skazali, što muž nie ŭziaŭ.
***
Nahadajem, što ŭ piatnicu, 24 lutaha, Siarhieja Kavalenku pakarali 2 hadami 1 miesiacam kałonii ahulnaha režymu nibyta za parušeńni režymu tak zvanaj «chatniaj chimii» — abmiežavańnia voli, jakoje jamu prysudzili za ściah, vyviešany na hałoŭnaj jołcy Viciebska 7 studzienia 2010 hoda.