Biełaruskaja kaśmietołah vyjhrała konkurs u Pieciarburhu

Biełaruski kaśmietołah Taćciana Baraškava stała pieramožnicaj Ch Mižnarodnaha konkursu pa kaśmietałohi i estetycy, jaki prajšoŭ u Sankt-Pieciarburhu 22–25 lutaha.

Jak paviedamiła supracoŭnica biełaruskaj kampanii TAA «Karaleva-Baj» Volha Vituška, u konkursie ŭdzielničali 94 śpiecyjalisty z Rasii, Biełarusi, Ukrainy, Małdovy, Kazachstana, Litvy, Łatvii i Finlandyi. Usie ŭdzielniki byli padzieleny na prafiesijanałaŭ z vopytam pracy bolš za adzin hod i maładych śpiecyjalistaŭ sa stažam pracy mienš jak adzin hod.

Kaśmietołahi spaborničali ŭ troch naminacyjach — «Dohlad za skuraj tvaru», «Dohlad za ciełam», «Aparatnaja kaśmietałohija».

Jak skazała Volha Vituška, žury konkursu aceńvała najpierš prafiesijnyja viedy ŭdzielnikaŭ, ich źniešni vyhlad, zapaŭnieńnie indyvidualnaj kartki klijenta, estetyku vykanańnia kaśmietyčnych pracedur.

U paŭfinale ŭdzielniki na praciahu 50 chvilin pravodzili dyjahnostyku stanu skury tvaru vybranaj šlacham losavańnia madeli, zapaŭniali kartku klijenta, demanstravali etapy dohladu. U finale kankursanty pracavali z užo zahadzia viadomymi madelami.

Taćciana Baraškava vystupała ŭ naminacyi «Prafiesijanały. Dohlad za skuraj tvaru», u jakoj spaborničali 24 śpiecyjalisty.

Varta adznačyć, što ŭ pačatku śniežnia minułaha hoda Taćciana Baraškava zaniała pieršaje miesca na pieršym čempijanacie Biełarusi pa prykładnoj estetycy, arhanizavanym TAA «Karaleva-Baj». U jakaści adnaho z pryzaŭ čempijanatu kaśmietołah atrymała zaprašeńnie na konkurs u Sankt-Pieciarburhu.

***

Mižnarodny konkurs pa kaśmietałohii i estetycy pravodzicca ŭ Sankt-Pieciarburhu z 2003 hoda ŭ miežach fiestyvalu pryhažości «Nieŭskija Bierahi». Arhanizatarami konkursu vystupajuć Rasijskaja siekcyja Mižnarodnaha kamiteta pa kaśmietałohii i estetycy CIDESCO i Hramadski fond sadziejničańnia raźvićciu kaśmietałohii, cyrulnickaha majsterstva i estetyki.

Kamientary da artykuła