KDB adkazaŭ narviežcam u spravie pobytu ŭ Minsku Brejvika

U adpaviednaści z daručeńniem Hienieralnaj prakuratury Biełarusi Kamitetam dziaržaŭnaj biaśpieki praviedzieny pravieračnyja mierapryjemstvy pa pytańniach, vykładzienych u chadajnictvie hienieralnaha prakurora Narviehii ab akazańni pravavoj dapamohi pa kryminalnaj spravie ŭ dačynieńni da hramadzianina hetaj krainy Andersa Bierynha Brevika.

Brejvik učyniŭ dvajny terarystyčny akt 22 lipienia 2011 hoda ŭ Narviehii, u vyniku jakoha zahinuli amal 80 čałaviek.

Adpraŭlajučy zapyt u Biełaruś, narviežski bok cikaviŭsia akaličnaściami znachodžańnia Brejvika ŭ krainie ŭ 2005 hodzie, jaho kantaktami.

Jak paviedamili ŭ centry infarmacyi i hramadskich suviaziaŭ KDB, ustanoŭlena,

što Brejvik prybyŭ 4 sakavika 2005 hoda ŭ nacyjanalny aeraport Minsk z aeraporta Vieny rejsam OS-687 z turystyčnaj metaj.

Praviedzienymi pravieračnymi mierapryjemstvami paćvierdžana, što ŭ inšyja adrezki času Brejvik Biełaruś nie naviedvaŭ. Pry hetym uličvałasia i mahčymaść vykarystańnia im źmienienych ustanovačnych źviestak, u tym liku pry pierasiačeńni miažy Biełarusi.

Pa atrymanych źviestkach, padčas znachodžańnia ŭ Minsku Brejvik kantaktavaŭ z hramadziankaj Rutkoŭskaj Nadziejaj Siarhiejeŭnaj, jakaja pražyvała ŭ toj pieryjad pa vulicy Sadovaj mikrarajona Uručča — byłoha vajennaha haradka Uručča.

Heta akaličnaść u nastupnym stała pryčynaj dla vydumak ab naviedvańnia Brejvikam vajennaj bazy, zaznačyli ŭ KDB.

U zapycie narviežskaha boku była vykazana prośba apytać hramadzianina Rašetnikava Michaiła Vasiljeviča, jaki aktyŭna raspaŭsiudžvaŭ infarmacyju ab akaličnaściach znachodžańnia Brejvika ŭ Biełarusi, i ŭ pryvatnaści atrymać ad jaho adkazy na pytańni, ci sustrakaŭsia jon z Brejvikam, što jamu viadoma pra pajezdki abvinavačvanaha, ci było jamu viadoma pra płany, palityčnyja i relihijnyja pierakanańni abvinavačvanaha ci hrupy, u jakija jon uvachodziŭ. Apytańnie Rašetnikava pravieści nie ŭdałosia, pakolki z 2007 hoda jon znachodzicca za miežami Biełarusi i, jak miarkujecca, žyvie ŭ Ispanii.

28 vieraśnia 2010 hoda Rašetnika

ŭ abjaŭleny biełaruskimi orhanami ŭnutranych spraŭ u mižnarodny vyšuk u suviazi z pryznańniem jaho abvinavačvanym va ŭčynieńni ŭ 2007 hodzie złačynstva, praduhledžanaha č. 4 art. 210 KK (kradziež šlacham złoŭžyvańnia słužbovym stanoviščam u asabliva bujnym pamiery), za prysvajeńnie bujnoj sumy finansavych srodkaŭ adnaho ź biełaruskich pradpryjemstvaŭ.

Na dumku KDB, «Rašetnikaŭ pačaŭ naŭmysna raspaŭsiudžvać vydumanuju i adkryta łžyvuju infarmacyju pra Biełaruś, sprabujučy pazicyjanavać siabie palityčnym biežancam dla najchutčejšaha nabyćcia zamiežnaha hramadzianstva. Hetaj niepravieranaj infarmacyjaj pakarystalisia asobnyja ŚMI, u tym liku internet-sajt „Hazieta.ru“ i telekanał NTV, jakija sprabavali zrabić siensacyju z absalutna niepraŭdzivych źviestak, što, u svaju čarhu, moža śviedčyć pra nizki prafiesijny ŭzrovień adpaviednych karespandentaŭ».

Kamientary da artykuła