Marek Sikora zaviaršaje trenierskuju karjeru

«Sistema zadač ciahniecca jašče z Savieckaha Sajuza. Zadaču ja nie vykanaŭ».

Paśla matču z maskoŭskimi dynamaŭcami (1:3) trenier «zubroŭ» Marek Sikora zajaviŭ, što pakidaje pasadu hałoŭnaha treniera «Dynama» i zakančvaje trenierskuju karjeru.

— Sistema zadač ciahniecca jašče z Savieckaha Sajuza. Zadaču ja nie vykanaŭ. Treba było prajści pieršy raund płej-of, a my prajhrali vielmi žorstka — 0:4. Adčuvaju adkaznaść za vynik, bo jaki kaniec siezonu — taki i siezon. Usie zabylisia, jak dobra my hulali ŭ pačatku… Ale heta narmalna. U minułym hodzie, naadvarot, u «rehularcy» vystupili nie vielmi, a ŭ płej-of — niadrenna.

«Ja zakančvaju jak trenier. Nie tolki ŭ minskim „Dynama“, a naohuł. Siońnia byŭ moj apošni matč», — skazaŭ Sikora.

Marek Sikora (nar. u 1948) -- viadomy češski śpiecyjalist. Minskaje "Dynama" treniravaŭ dva hady (2010-2011, 2011-2012) i dvojčy vyvodziŭ u płej-of.

Kamientary da artykuła