Cana na «kłubničku» ad Čarhinca zaškalvaje

«LiM» pieravydaŭ skandalnuju «Tajnu Avalnaha kabinieta», choć u kniharniach jašče nie pradaŭsia tyraž 2001 hoda.

Tak vyhladaje apošniaje pieravydańnie knihi.

Pad takoj vokładkaj detektyŭ vyjšaŭ u 2010-m.

Raman pradajecca amal zadarma — usiaho 32 jeŭracenty.

U dziaržaŭnaj redakcyjna-vydavieckaj ustanovie «Litaratura i mastactva» pieravydali detektyŭ staršyni Sajuza piśmieńnikaŭ Biełarusi Mikałaja Čarhinca. Jak paviedamili ŭ RVU «LiM»,

u roźnicu ŭ vydaŭca kniha kaštuje 100 690 rubloŭ.

Heta značyć, što ŭ kniharniach cana na jaje budzie jašče bolšaj.

Admietna, što ŭ minskich kniharniach jašče pradajecca pieršaje vydańnie detektyva, jakoje vyjšła ŭ 2001 hodzie ŭ «Mastackaj litaratury». I pa śmiešnaj canie — 4550 rubloŭ. Ale heta nie minimum. Błohier Pavieł Bieraśnieŭ adšukaŭ hety ž detektyŭ za 3450 rubloŭ. Značyć, nie raskupili. Navat paźniejšaje vydańnie kaštuje značna mienš — usiaho 2 jeŭra.

Pra «Tajnu Avalnaha kabinieta» zahavaryli z-za eratyčnaha źmiestu detektyva.

U niekatorych miescach aŭtar davoli padrabiazna apisvaje intymnyja sceny pamiž hałoŭnym hierojem, prezidentam ZŠA, i jaho žančynami.

Najbolšaje abureńnie knihaj vyklikała historyja z pryjezdam u Biełaruś niamieckaha hurtu Rammstein u 2010 hodzie. Tady Mikałaj Čarhiniec, jak staršynia Hramadskaj rady pa maralnaści, sprabavaŭ admianić kancert. Tłumačyŭ heta tym, što niamieckija muzyki prapahandujuć raspustu. Ale voś zakidy ŭ amaralnaści svajoj knihi adkidaŭ.

«Amierykancy ŭprošvajuć mianie čaćviorty hod pieravydać. A kali ŭličyć, što jon pieravydadzieny ŭ dvanaccaci krainach i siamnaccać razoŭ vydavaŭsia ŭ Biełarusi i Rasii… Reč idzie pra toje, što rabiŭ prezident Amieryki.

Vy nie znojdziecie tam nivodnaha faktu prydumanaha, kali havorka idzie ab «salonaści».

Tajna Ovalnoho kabinieta / Nikołaj Čierhiniec. — Minsk, Litaratura i mastactva, 2012. — 536 s.

Kamientary da artykuła