Namieśnik hiendyrektara MAZ: Asnoŭnaja zadača — pačać karennuju rekanstrukcyju vytvorčaści

Sioleta adna z asnoŭnych zadač Minskaha aŭtamabilnaha zavoda — pačać karennuju rekanstrukcyju vytvorčaści, paviedamiŭ pieršy namieśnik hiendyrektara MAZ Anatol Dziadkoŭ 6 sakavika na pres-kanfierencyi ŭ Minsku.

Pavodle jaho słoŭ, u pryvatnaści, pačynajecca rekanstrukcyja liciejnaha zavoda i presava-kuzaŭnoha zavoda. «Rekanstrukcyja „liciejki“ žyćciova nieabchodnaja. Pa našych raźlikach, z dapamohaj rekanstrukcyi nam udasca skaracić abjom spažyvańnia elektraenierhii na 25–30%, u 80–90 razoŭ pamienšyć abjom vykidaŭ u navakolnaje asiarodździe», — padkreśliŭ namieśnik hiendyrektara.

Što da zatrat na rekanstrukcyju, to, pavodle słoŭ Dziadkova, dakładnyja ličby pakul nieviadomyja: «Projdzie konkurs, my praviadziem tarhi, i ŭžo tolki tady budziem viedać kankretnuju sumu.

Pa papiarednich acenkach, jana składzie kala 280–300 miljonaŭ dołaraŭ».

Taksama Dziadkoŭ adznačyŭ, što ŭ 2012 hodzie ŭ paraŭnańni z papiarednim zapłanavana pavieličeńnie ekspartu pradukcyi zavoda na 12%. «U toj ža čas my bačym, što tyja napracoŭki, jakija ŭ nas jość, dazvolać realna mieć bolš čym 12%», — padsumavaŭ jon.

Kamientary da artykuła