Litva vydała ordar na aryšt udzielnikaŭ šturmu telecentra
Hienieralnaja prakuratura Litvy vydała jeŭrapiejski order na aryšt jašče dvuch rasiejcaŭ, byłych supracoŭnikaŭ savieckaha AMAPu, jakija ŭdzielničali ŭ šturmie Vilenskaha telecentra ŭ 1991 hodzie, paviedamlaje Ruskaja słužba Bi-Bi-Si.
Byłych kamandziraŭ Vilenskaha AMAPu Balasłava Makutynoviča i Uładzimira Razvodava abvinavačvajuć u ździajśnieńni złačynstvaŭ suprać čałaviečnaści i ŭ vajennych złačynstvach.
Prakuratura adznačaje, što na hetyja złačynstvy nie raspaŭsiudžvajecca termin daŭniny.
Jak havorycca ŭ paviedamleńni Hienprakuratury, u sakaviku biahučaha hoda litoŭski bok źviarnułasia da Rasii z prośbaj ab pravavoj dapamozie ŭ vyśviatleńni miesca pražyvańnia padazravanych.
Akramia taho, rasiejcaŭ prasili ŭručyć padazravanym pastanovu 1-ha Vilenskaha ŭčastkovaha sudu z prapanovaj im samim prybyć u Litvu dla dačy pakazańniaŭ i ŭdziełu ŭ pracesie.
Abodva padazravanych źjaŭlajucca hramadzianami Rasii, i Maskva admaŭlajecca vydać ich Litvie.