Zapracavaŭ novy biełaruskamoŭny telekanał

«Biełaruś-3» narešcie źjaviŭsia ŭ kabielnych sietkach krainy.

Siońnia ŭ kabielnych sietkach stalicy narešcie źjaviŭsia telekanał «Biełaruś-3». Jak zajaŭlaŭ staršynia Biełteleradyjokampanii Hienadź Davydźka na pres-kanfierencyi ŭ lutym, «treci kanał» budzie vyklučna biełaruskamoŭnym i kulturnickim.

Adnak jaho adkryćcio płanavałasia tolki na kastryčnik 2012 hoda. Čamu takoje apieražeńnie hrafiku? Pres-słužba Biełteleradyjokampanii była siońnia niedastupnaj dla kamientaroŭ.

«Siońnia biełaruskaja kultura isnuje ŭ publičnaj prastory ŭ absiečanym vyhladzie. Najlepšyja tvorcy — piśmieńniki, muzyki, režysiory — nie hučać, nie bačnyja ludziam. Ja maju na ŭvazie prablemu tak zvanych „čornych śpisaŭ“ dziejačoŭ kultury. Ja aficyjna zajaŭlaju, što na kanale „Biełaruś-3“ nichto nie budzie na ich zvažać. Słova buduć mieć „Lapis Trubiackoj“ i Hienadź Buraŭkin, Zinaida Bandarenka i Lavon Volski…

Vialikuju ŭvahu na «Biełaruś-3» abiacajuć nadavać prahramam dla dziaciej: «

U siońniašniaj situacyi, kali tolki 19% školnikaŭ krainy vučacca pa-biełarusku, a ŭ Minsku heta ličba składaje 2%, telekanał budzie miescam, dzie dzieci narešcie zmohuć čuć biełaruskuju movu».

Pieršaje tok-šou kanała budzie pryśviečana pytańniu stvareńnia Nacyjanalnaha ŭniviersiteta, dzie vykładańnie viałosia b pa-biełarusku.

Akreślivajecca i stratehija raźvićcia: u pierśpiektyvie z vyklučna kulturnickaha biełaruskamoŭny telekanał budzie pastupova pieratvaracca ŭ paŭnavarty, dadaducca prahramy hramadska-palityčnaj tematyki.

• * *

Jak vy zrazumieli, darahija čytačy, Redakcyja vinšuje Vas z 1 krasavika. Hetaj natatkaj chaciełasia nie stolki padmanuć Vas, kolki razam z Vami pamaryć pra toje, jakim maje być sapraŭdny nacyjanalny telekanał. I vykazać spadzieŭ, što televizijnaje načalstva prysłuchajecca da hetych parad.

Kamientary da artykuła