Biełarusy najlepšyja ŭ śviecie ŭ kikboksinhu
Šeść załatych miedaloŭ viazie na radzimu z Banhkoka, dzie zaviaršyŭsia čempijanat śvietu pa kikboksinhu, zbornaja Biełarusi. Pieramožcami ŭ svaich vahavych katehoryjach stali Siarhiej Skiba (da 51 kh), Andrej Kulebin (63,5 kh), Vital Hurkoŭ (71 kh), Juryj Harbačoŭ (75 kh), Dzianis Hančaronak (81 kh), Siarhiej Kraŭčanka (91 kh). Pryčym u Andreja Kulebina heta ŭžo šosty čempijonski tytuł.
U kamandnym pieršynstvie, jak paviedamili karespandentu BIEŁTA u nacyjanalnaj fiederacyi kikboksinha i tajłandskaha boksa, zbornaja Biełarusi zaniała pieršaje miesca.
Paralelna z darosłymi prachodziŭ junijorski čempijanat śvietu, u jakim druhi hod zapar «zołata» vyjhraŭ biełaruski spartsmien Čynhiz Ałazaŭ (48 kh).