Apostalski nuncyj Hudžeroci pravioŭ pieršuju słužbu pa-biełarusku
1 krasavika, u Palmovuju niadzielu, u minskaj archikatedry Apostalski nuncyj arcybiskup Kłaŭdya Hudžeroci ŭpieršyniu celebravaŭ imšu na biełaruskaj movie. Pradstaŭnik Papy raspačaŭ svajo słužeńnie ŭ našaj krainie ŭ kastryčniku minułaha hoda.
U hamilii ijerarch nahadaŭ pra niekatoryja važnyja momanty Palmovaj niadzieli: ludzi ŭračysta sustrakali Jezusa, jaki ŭjazdžaŭ u Jeruzalem, z vokličami «Hasanna Synu Davida», a potym praź niekalki dzion kryčali: «ŭkryžuj Jaho». Natoŭp simvalizuje čałavieka, vielmi źmienlivaha, jaki patrabuje stałaści. Arcybiskup Hudžeroćci zaklikaŭ viernikaŭ vykarystać Vialiki tydzień dla asabistaha naviartańnia i dla ŭkaranieńnia ŭ viery.
Naprykancy liturhii Mitrapalit Kandrusievič padziakavaŭ nuncyju za jaho adkrytaść na biełaruskuju kulturu i pažadaŭ plonnaha pieražyvańnia Vialikaha tydnia.