Mahiloŭca pakarali štrafam za raspaŭsiud niezaležnaj haziety
Aktyvist BNF Siarhiej Niahacin musić vypłacić dziaržavie 3 miljony rubloŭ.
Sudździa Leninskaha rajona Mahilova Aksana Ratnikava paličyła, što na raspaŭsiud niezarehistravanaj haziety «Tut i ciapier» musić być śpiecyjalnaja damova, jakoj ŭ aktyvista niama.
Pa słovach sudździ vysokaja suma štrafa abumoŭlena hramadskaj niebiaśpiekaj ździejśnienaha i niepryznańniem viny.
Nahadajem, što ŭčora Siarhieja Niahacina milicyjanty zaprasili ŭ pastarunak zabrać kanfiskavanyja raniej haziety «Tut i ciapier». Kali ž jon tam źjaviŭsia, to na jaho byŭ składzieny pratakoł ab administracyjnym pravaparušeńni. Adrazu z pastarunka jaho advieźli ŭ sud. Sudździa, pa chadajnictvie aktyvista, pieraniesła sudovuju spravu na 12 krasavika.