Deziercir chavaŭsia ad vojska 18 hadoŭ

Sałdat 2-ha hoda terminovaj słužby (jon rodam sa Ščučynskaha rajona) źbieh z vajskovaj častki, jakaja achoŭvała vaŭkavyskuju kałoniju źniavolenych, u žniŭni 1994 h.

Jaho šukali amal 17 z pałovaj hadoŭ, ale vyjści na śled ŭciekača zmahli tolki ŭ krasaviku hetaha hoda.

Znajšli jaho ŭ Połacku, dzie mužčyna chavaŭsia ŭ sužycielki.

Na dopycie jon raspavioŭ, što vyrašyŭsia na adčajny krok z-za składanych adnosin z kalehami. Doŭhi čas bamžavaŭ, zatym źbieh u Rasiju, dzie pierabivaŭsia vypadkovymi zarobkami, majučy na ​​rukach pravy kiroŭcy i paśviedčańnie ab naradžeńni. Apošnim časam žyŭ u Połacku, dzie syšoŭsia z žančynaj.

Z radnioj nie kantaktavaŭ, i tamu navat rodny baćka nie viedaŭ, ci žyvy syn.

Uličvajučy fakt dobraachvotnaj zdačy i ščyraje raskajańnie, jamu źmianili mieru strymańnia z zaklučeńnia pad vartu na asabistaje daručalnictva sužycielki i plamieńnika, jaki pražyvaje ŭ Hrodnie. Dalejšy los deziercira budzie vyrašacca.

Kamientary da artykuła