21 krasavika: biełaruski internet-subotnik u Vikipedyi

Sajt «Biełarusy ŭ Vialikaj Brytanii» i Biełaruskaja katalickaja misija ŭ Anhlii zaprašajuć usich achvotnych na Subotnik dla Biełarusi

Sajt «Biełarusy ŭ Vialikaj Brytanii» i Biełaruskaja katalickaja misija ŭ Anhlii zaprašajuć usich achvotnych na Subotnik dla Biełarusi. Heta budzie dobraj nahodaj sabracca biełarusam i našym siabram dziela stvaralnaj pracy na karyść rodnaj kultury.

Tema dnia — Biełaruś u Vikipedyi.

Vikipedyja ciapier — asnoŭnaja krynica pieršapačatkovych viedaŭ dla vielmi mnohich ludziej u śviecie. Biełaruskaja prysutnaść tam paraŭnalna małaja i časta — vielmi tendencyjnaja. Kab krychu vypravić sytuacyju, my budziem napaŭniać Vikipedyju źviestkami pra Biełaruś i biełaruskaj movaj.

Pačatak, a 10-j ranicy pa Londanie (12:00 pa Miensku) u Marian House (Holden Avenue, N12 8HS; Woodside Park Underground Station). Pieršaj spravaj my navučymsia redahavać Vikipedyju. Potym budzie čas kožnamu vyrašyć, pra što pisać. Heta mohuć być histaryčnyja asoby, pomniki architektury, stravy, paniatki z samych rosnych halinaŭ viedaŭ… Dla hetaha pobač — Skarynaŭskaja biblijateka z najvialikšym pa-za miežami krainy zboram biełarusistyki.

Hałoŭnaja ŭmova dnia: pisać pa-biełarusku (taraškievicaj ci školnym pravapisam) na lubuju temu ci na luboj inšaj movie — pra Biełaruś.

Paśla abiedu my praciahniem redahavać Vikipedyju: kožny samostojna ci razam ź inšymi — kamu jak praściej i cikaviej. Niedzie kala 16-j hadziny my padviadziem vyniki i razyjdziemsia.

Nie spaźniajciesia —

pieršuju hadzinu my addamo praviłam Vikipedyi, ich treba viedać.

Kali žadajecie dałučycca da subotnika, napišycie arhanizataram — subotnik@belarusians.co.uk abo tut ŭ kamentarach na sajcie.

Kali nia možacie dałučycca da nas u Londanie, zrabicie eta praz Skajp! Padrabiaznaści apublikujem paźniej na belarusians.co.uk i ŭ Fejsbuku.

Padzieja na Facebook: https://www.facebook.com/events/253300591416964/

Pytańni i Adkazy pra Subotnik: http://belarusians.co.uk/tag/subotnik/

Kamientary da artykuła