Adzin ź lideraŭ Al-Kaidy pryznaŭsia ŭ padrychtoŭcy teraktaŭ 11 vieraśnia
Treciaja asoba Al-Kaidy, Chalid Šejch Machamed, pryznaŭsia ŭ troch dziasiatkach teraktaŭ i ŭ ašałamlalnych planach terarystaŭ. Pravaabaroncy nie dajuć viery praŭdzivaści pakazańniaŭ.
9 sakavika ŭ Huantanama pačalisia słuchańni ŭ spravie Chalida Šejcha Machameda, jakoha vinavaćć u arhanizacyi teraktaŭ 11 vieraśnia 2001 hodu. 15 sakavika hramadzkaści stała viadomaja stenahrama hetaha pracesu. Jaje abviaściŭ staršynia Pentahonu. Z 26‑staronkavaha dakumentu byli vydalenyja «niekatroyja pakazańni» Machameda.
Z rešty vynikaje, što Chalid Šejch Machamed nia tolki całkam, ad «a» da «ja», rychtavaŭ terakty 11 vieraśnia, ale i planavaŭ uzarvać Big Ben u Londanie, aeraport «Heathrow», Panamski kanał, štab‑kvateru NATO, chmaračosy ŭ Ńju‑Jorku, Čykaha i Łos‑Andželesie, a taksama zabić Biła Klintana, Džymi Kartera, Hienry Kisyndžera i papu rymskaha. Ahułam Machamed pryznaŭsia ŭ dačynieńni da troch dziasiatkaŭ učynienych i niaŭčynienych teraktaŭ.
Praŭdzivaść skazanaha Machamedam vyklikaje sumnievy ŭ pravaabaroncaŭ i naziralnikaŭ, tym bolš, što raniej jon sam zajaŭlaŭ, što jaho katavali. Na dumku ekspertaŭ, jašče naležyć vyśvietlić, ci mohuć hetyja pakazańni vykarystoŭvacca abvinavačańniem.
Machamed utrymlivajecca na bazie ŭ Huantanama ad 2003 hodu.