Łukašenka: Miascovyja ŭłady pavinny stvarać umovy dla pracy pryvatnych inviestaraŭ

«Hałoŭnaje — im nie pieraškadžać, a dapamahać».

Alaksandr Łukašenka zaklikaŭ miascovyja ŭłady ŭ rehijonach krainy dapamahać pryvatnym inviestaram u realizacyi ich biźnies-płanaŭ. «Nie ab pryvatyzacyi treba kryčać, a stvarać takim ludziam umovy dla pracy», — zajaviŭ Łukašenka ŭ sieradu, naviedvajučy STAA «Prajd-Junijon» padčas rabočaj pajezdki ŭ Kruhlanski rajon.

Jak adznačyŭ jon, «siudy pryjduć ludzi i buduć pracavać. Hałoŭnaje — im nie pieraškadžać, a dapamahać», — skazaŭ Łukašenka. Jon zajaviŭ, što miascovyja ŭłady pavinny tolki vitać pryvatnuju inicyjatyvu. «Takija pryvatniki nie padmanvajuć, ukłaŭšy svaje hrošy, jany buduć tut pracavać», — adznačyŭ Łukašenka.

Łukašenka ličyć hodnym uvahi dośvied rasijskaha inviestara, jaki ŭžo ŭkłaŭ u pradpryjemstva pa vytvorčaści kandytarskich vyrabaŭ h.p. Kruhłaje kala $2 młn. Bolš za toje, adznačyŭ Łukašenka, kali ŭ zamiežnaha inviestara budzie žadańnie pabudavać anałahičnyja pradpryjemstvy ŭ inšych rehijonach krainy, dziaržava dapamoža jamu ŭ hetym.

Kamientary da artykuła