Miadźviedzieŭ pra Łukašenku: Heta niaprosty, emacyjny čałaviek, ale vierny
Prezident Rasii taksama raskrytykavaŭ kiraŭnictva krain Bałtyi i Michaiła Saakašvili.
Prezident Rasii Dźmitryj Miadźviedzieŭ nazvaŭ prezidenta Hruzii Michaiła Saakašvili «nulom» i «pustym miescam», adkazvajučy na pytańnie žurnalistki Maryjany Maksimoŭskaj pra źniešniuju palityku Rasii ŭ apošnija hady.
«Saakašvili — pustoje miesca. Nul. Rana ci pozna jon sydzie z palityki, — zajaviŭ Miadźviedzieŭ. — Hruzija — blizkaja nam kraina, hruzinski narod — vielmi blizki nam. My jaho lubim i nieadnarazova jaho ratavali», — dadaŭ jon.
Miadźviedzieŭ taksama raskrytykavaŭ dziejańni ŭładaŭ krain Bałtyi.
«My, viadoma, vialikija, a jany maleńkija. Ale nie treba chamić, padtrymlivać nacyjanalistyčnuju pazicyju… My histaryčna źviazanyja, my ekanamična mocna źviazanyja», — zajaviŭ Miadźviedzieŭ, dadaŭšy, što «nie treba bačyć u Rasii strašnaha miadźviedzia, jaki moža razarvać maleńkija krainy».
Kažučy pra adnosiny ź Biełaruśsiu, Miadźviedzieŭ nazvaŭ Alaksandra Łukašenku «čałaviekam niaprostym, emacyjnym», adnak adznačyŭ jaho zasłuhi za padtrymku idei stvareńnia Jeŭrazijskaj ekanamičnaj supolnaści.