Hramadzianin Livii znojdzieny miortvym pablizu Zasłaŭja
Źnikły 18 krasavika ŭ Minsku 39-hadovy hramadzianin Livii Šachuta Mustafa Sulejman 30 krasavika znojdzieny miortvym u lasnym masivie pablizu Zasłaŭskaha vadaschovišča.Jak paviedamiła pres-aficer Centralnaha RUUS stalicy Śviatłana Kabkova, zhodna z papiaredniaj viersijaj sudmiedekśpiertaŭ, śmierć nastupiła ad pieraachaładžeńnia.
Nahadajem, 16—18 krasavika ŭ Minsk, zhodna ź biełaruska-livijskimi damoŭlenaściami, prybyli dva čartery ź Livii, na borcie jakich znachodziłasia ad 300 da 450 livijcaŭ. Častka ź ich była raźmieščana ŭ haścinicach «Płanieta» i «Arbita». Dla siamiejnych pasolstva Livii ŭ Minsku źniało kvatery ŭ centralnaj častcy horada.
Źnikły, jaki chvareŭ na prydurkavataść, razam ź siastroj i plamieńnikam prylacieli nočču 18 krasavika i byli pasieleny ŭ kvatery doma na vulicy Zasłaŭskaj. Ranicaj 18 krasavika svajaki nie znajšli treciaha člena siamji.
U Šachuta Mustafy Sulejmana pry sabie nie było nijakich dakumientaŭ. Jon mieŭ try kłasy adukacyi, na radzimie pracavaŭ dvornikam, ź ciažkaściu razmaŭlaŭ navat na rodnaj movie, byŭ schilny da badziažnictva