Ukraina zdymaje abmiežavańni na biełaruskija miasa i małako
Ukraina zdymaje časovyja abmiežavańni na pastaŭki biełaruskaj miasa-małočnaj pradukcyi na svoj rynak.
«Toj kompleks zachadaŭ i krokaŭ, jaki byŭ nami ŭzhodnieny, dazvoliŭ siońnia ŭkrainskamu boku pryniać vielmi važnaje rašeńnie pra dopusk 10-ci biełaruskich pradpryjemstvaŭ (miasa-małočnych) na ŭkrainski rynak», — zajaviŭ žurnalistam u čaćvier u Minsku ministr ekanamičnaha raźvićcia i handlu Ukrainy Piotr Parašenka.
«My namiecili sistemu zachadaŭ, jakija b harantavali ŭ pierśpiektyvie, što nie tolki 10, ale i bolšaja kolkaść biełaruskich pradpryjemstvaŭ mahli b pastaŭlać va Ukrainu miasa-małočnuju pradukcyju», — zajaviŭ pieršy vice-premjer uradu Biełarusi Uładzimir Siamaška.
Pa vynikach pieramovaŭ u Minsku biełaruski i ŭkrainski baki padpisali pratakoł. Ukraina ad 3 maja zdymaje časovyja abmiežavańni na pastaŭki na ŭkrainski rynak miasa-małočnaj pradukcyi, jakaja vypuskajecca biełaruskimi pradpryjemstvami. Departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi harantuje, što pradpryjemstvy pa pierapracoŭcy małaka i miasa znachodziacca pad kantrolem dziaržaŭna-vieterynarnaj słužby Biełarusi i ichnaja pradukcyja adpaviadaje vieterynarna-sanitarnym patrabavańniam Ukrainy.
Čytajcie taksama:
Kamientary da artykuła