U Minsku zatrymali hrupu jehipcianaŭ-ekstremistaŭ
U vyniku kompleksu apieratyŭna-vyšukovych mierapryjemstvaŭ supracoŭnikami HUUS Minharvykankama na minułym tydni byli zatrymany piaciora hramadzian Jehipta, jakija niezakonna prybyli na terytoryju Biełarusi z metaj dalejšaha vyjezdu ŭ krainy Jeŭrasajuza. Padčas pravierki vyśvietliłasia, što zatrymanyja raniej udzielničali ŭ bajavych dziejańniach na terytoryi Jehipta i nakiroŭvalisia ŭ ES z ekstremisckimi metami.
Jak paviedamili ŭ HUUS, u vyniku ahladu zatrymanych (adzin ź ich mieŭ jaŭnyja ślady niadaŭniaha ahniastrelnaha ranieńnia) i ručnoj pakłažy ŭ apieratyŭnikaŭ źjavilisia sumnieńni ŭ tym, što hetyja hramadzianie majuć družalubnyja mety. U dalejšym, padčas ich apytańnia, stała zrazumieła, što členy hrupy ŭdzielničali ŭ bajavych dziejańniach na terytoryi Jehipta, majuć vopyt vykarystańnia ahniastrelnaj zbroi i vybuchovych rečyvaŭ. Zatrymanyja raskazali, što prybyli ŭ Biełaruś nielehalna z metaj dalejšaha vyjezdu ŭ krainy Jeŭrasajuza. Pry hetym ź ich tłumačeńniaŭ vynikała, što asnoŭnaj metaj ich mihracyi źjaŭlajecca ŭdzieł u padpolnym ruchu supraciŭleńnia, jaki skiravany na supraćstajańnie hramadska-palityčnamu ładu jeŭrapiejskich dziaržaŭ. Pavodle ich infarmacyi, ciapier biełaruskim bokam asłableny kantrol pieramiaščeńnia nielehalnych mihrantaŭ, i mienavita tamu šlach ich hrupy lažaŭ cieraz terytoryju našaj krainy.