Ułady vierać u cudadziejnuju moc palitviaźniaŭ
19 sakavika Artura Finkieviča nie puścili na pracu i zahadali piśmova adznačacca kožnuju hadzinu ŭ dziažurnaha. Tyja ž samyja prablemy napatkali i Paŭła Sieviarynca.
U Mahilovie 19 sakavika ad samaj ranicy palitviaźnia Artura Fińkieviča administracyja Papraŭčaj ustanovy № 43 pa Mahilouskaj vobłaści nia vypuściła na pracu.
Na praciahu ŭsiaho dnia Fińkieviču treba piśmova adznačacca kožnuju hadzinu ŭ dziažurnaha. Jaho kantakty ź inšymi viaźniami źviedzienyja da minimumu. Samoha Fińkieviča takija pavodziny administracyi šakavali i jon zapatrabavaŭ tłumačeńniaŭ — dziažurny milicyjant adkazaŭ jamu paŭnamiokami, maŭlaŭ, sam viedaješ, što siońnia za data.
Vyśvietliłasia, u hadavinu prezydenckich vybaraŭ tyja ž samyja prablemy napatkali i Paŭła Sieviarynca ŭ Małym Sitnie.
Fińkievič ciapier nia maje mahčymaści razmaŭlać i pa mabilnym telefonie. Taki režym utrymańnia ŭ Mahiloŭskaj speckamendatury praŭdapadobna pratrymajecca da kanca tydnia.