Najnoŭšy rasijski Sukhoi Superjet 100 raźbiŭsia ŭ časie demanstracyjnaha palotu
Jahonyja abłomki znajšli na hary ŭ Indanezii.
U Indanezii vyjaŭleny źnikły 9 maja rasiejski samalot Sukhoi Superjet 100. Jak paviedamlajuć infarmahienctvy, abłomki łajniera byli znojdzieny pošukavaj hrupaj na schile hvułkana Sałak u zachodniaj častcy vostrava Java na vyšyni 1650 m.
Niedaloka ad miesca padzieńnia łajniera stvorany apieratyŭny štab, pačaty pošuk frahmientaŭ i bartavych samapiscaŭ. Pradstaŭnik štaba pošukava-vyratavalnych rabot paviedamiŭ, što pakul niama prykmietaŭ taho, što niechta vyžyŭ u vyniku avaryi. Pavodle ŭdakładnienych źviestak, na borcie samalota było 50 čałaviek, u tym liku vosiem hramadzian Rasii, dvoje italjancaŭ, francuz i amierykaniec. Usie astatnija - indaniezijcy.
Prezident Indanezii Susiła Bambanh Judchajona zajaviŭ, što maje być praviedziena dbajnaje rasśledavańnie pryčyn krušeńnia samalota. U Rasii pa rasparadžeńni premjer-ministra Dźmitryja Miadźviedzieva stvorana śpiecyjalnaja kamisija pa rasśledavańni pryčyn avaryi. U Indaneziju nakiravany pradstaŭniki viedamstvaŭ, źviazanych z raspracoŭkaj i kamiercyjnaj realizacyjaj samalotaŭ hetaj madeli.
Najnoŭšy rasijski pasažyrski samalot Sukhoi Superjet 100 prapaŭ padčas demanstracyjnaha palotu prykładna za 40 marskich milaŭ ad aeraporta Džakarty. Viersii razhladalisia samyja roznyja - ad techničnaj niaspraŭnaści da vykradańnia samalota. Na siońnia mienavita z prajektam SSJ 100 byli źviazany asnoŭnyja kamiercyjnyja płany i nadziei rasijskaha hramadzianskaj avijaprama. Heta było pieršaje ŭ historyi sučasnaj rasijskaj avijacyi roŭd-šou pasažyrskaha samalota.