Amnesty International nie pryznała Kavalenku viaźniem sumleńnia
Tamu što milicyjanty śviedčyli, što Kavalenka akazvaŭ im supraciŭ.
Mižnarodnaja pravaabarončaja arhanizacyja Amnesty International adkazała admovaj na aficyjnuju prośbu deputata Eŭraparlamentu Mareka Mihalskaha pryznać Siarhieja Kavalenku viaźniem sumleńnia.
Pry hetym dyrektar prahramy Amnesty International u Eŭropie i Centralnaj Azii Džon Dalchuzien, zajaviŭ u svaim liście Mihalskamu, što jaho arhanizacyja budzie praciahvać sačyć za spravaj Kavalenki i pry nieabchodnaści ŭmiešvacca.
Prymajučy rašeńnie,
u arhanizacyi kiravalisia pakazańniami supracoŭnikaŭ milicyi, jakija zajavili, što Kavalenka akazvaŭ im supraciŭ,piša na svaim sajcie Marek Mihalski, jaki šefstvuje nad Siarhiejem Kavalenkam u miežach kampanii
U suviazi z tym, što Amnesty International «pavieryła słovam orhanaŭ, jakija ślepa vykonvajuć kamandy biełaruskaha režymu», Marek Mihalski dasłaŭ u arhanizacyju jašče adzin list z prośbaj pierahledzieć spravu i pryznać Kavalenku palitviaźniem.