Bob Marli na Dzień Voli
25 sakavika šerah biełaruskich muzykaŭ voźmie ŭdzieł u akcyi «Salidarny ź Biełaruśsiu».
25 sakavika šerah biełaruskich muzykaŭ voźmie ŭdzieł u akcyi «Salidarny ź Biełaruśsiu».
Na placy Zamkovym u Varšavie jany razam z polskimi rok‑zorkami vykanajuć pieśni Boba Marli. Planavałasia zrabić biełaruska‑polski trybjut jamajskamu muzykantu. Adnak, ŭładalniki pravoŭ na pieśni słavutaha rastamana zapatrabavali zavialikija hrošy, tamu spadčyna Marli budzie pieraśpiavanaja na movie aryhinału. Adzin z udzielnikaŭ kancertu Lavon Volski nia zhodny z tym, što ajčynnyja muzyki pavinny być na Dzień Voli na Radzimie. Lider N.R.M. akramia pieśni Boba Marli musić vykanać u Varšavie «Ja naradziŭsia tut». «Ja razumieju mety i zadačy hetaj akcyi».
Da mierkavańnia Volskaha dałučajecca lider hurtu B:N Aleś Lutyč. Jahonaja kamanda budzie adkryvać svaim 40‑chvilinnym vystupam varšaŭski kancert: «Kali niemahčyma zładzić u hety dzień rok‑kancert na Kastryčnickaj, to što zastajecca? My vystupajem tam, kudy nas zaprašajuć. I svaimi pieśniami, spadziajusia, taksama robim karysnuju spravu».
Michał Aniempadystaŭ ličyć, što biełaruskich udzielnikaŭ prajektu možna zrazumieć, bo varšaŭski kancert 25 sakavika – surjoznaja i znakavaja padzieja.
Polski pradusar Ihar Znyk jakraz adbiraŭ biełaruskija kamandy da ŭdziełu ŭ akcyi «Salidarny ź Biełaruśsiu». Jamu nia nadta padabajecca ideja sioletniaha kancertu. «Kudy cikaviej było by, kab viadučyja ajčynnyja kamandy nie pierapiavali ŭ hety dzień Boba Marli, a zajhrali ŭłasnyja hity, kab pakazać polskim słuchačam svaju tvorčaść». Varta zaznačyć, što hety kancert budzie traślavacca ŭ žyvym efiry na dvuch viadučych telekanałach krainy — TVP1 i TV Polonia. Sam Ihar Znyk apaviadaje, što adzin z udzielnikaŭ kancertu – lider hurta «Recha» Andruś Takindanh admoviŭsia ad pajezdki ŭ Varšavu 25 sakavika. «Ja jaho vydatna zrazumieŭ, bo taksama liču, što biełaruskija muzyki na Dzień Voli pavinny być na Radzimie, — kaža pradusar. — Ale kancertu takoha maštabu ŭ vas pravieści niemahčyma, tamu treba karystacca kožnym šancam».
Lider Neuro Dubel Alaksandar Kullinkovič , jakoha hetym razam nie zaprasili da ŭdziełu ŭ prajekcie «Salidarny ź Biełaruśsiu», upeŭnieny, što muzyka pavinny być tam, dzie jaho chočuć pačuć. Letaś akurat 25 sakavika Neuro Dubel vystupaŭ u Prazie. «Ja vielmi paškadavaŭ, što nia byŭ u toj čas na Radzimie, ‑‑ apaviadaje muzyka. U Prazie my ŭsie stajali la noŭtbuka ŭ klubie i čytali navinovyja stužki ŭ internecie. Da ślozaŭ škadavali, što my nia ŭ Miensku».
Fota z Tuzinu hitoŭ