ZŠA: Biełaruskija banki «admyvajuć» hrošy

«Niemahčyma vyśvietlić, ci zajmajecca bank jakoj-niebudź lehalnaj dziejnaściu naohuł», — kanstatavaŭ namieśnik ministra ZŠA.

Kaznačejstva ZŠA padazraje dva biełaruskija banki ŭ admyvańni hrošaj. U siońniašniaj zajavie amierykanskaha finansavaha viedamstva

«Trastbank» i «Kredeksbank», byli ŭklučanyja ŭ sekcyju 311 Patryjatyčnaha Aktu ZŠA jak ustanovy, jakija vyklikajuć «pieršačarhovuju zaniepakojenaść adnosna admyvańnia hrošaj».

«Hetyja zachady nakiravanyja na toje, kab abaranić amierykanskuju finansavuju systemu ad zamiežnych finansavych ustanovaŭ, čyje nadzvyčaj padazronyja paradki praviadzieńnia transakcyjaŭ i tatalnaja adsutnaść prazrystaści robić niemahčymym vyśvietlić, ci zajmajecca bank jakoj-niebudź lehalnaj dziejnaściu naohuł», kanstatavaŭ namieśnik ministra ZŠA ŭ spravie teraryzmu i finansavaj vyviedki Devid Kohien, kamientujučy abnarodavany siońnia śpis padazronych bankaŭ.

Uklučeńnie ŭ hety śpis daje prava ministru finansaŭ ZŠA zapatrabavać ad Biełaha doma ŭviadzieńnia sankcyj suprać nazvanych ustanovaŭ.

Ministerstva finansaŭ ZŠA ŭviało abmiežavalnyja zachady suprać «Trastbanku» (tady nazyvanym «Infabank») jašče ŭ 2004 — za admyvańnie hrošaj Sadama Chusejna.

Kamientary da artykuła