Us siońnia paniasie dakumienty ŭ Centrvybarkam
Usie dakumienty dla rehistracyi inicyjatyŭnaj hrupy ŭ spravie źmienaŭ vybarčaha zakanadaŭstva buduć pieradadzienyja ŭ CVK 24 maja.
«A 12-j hadzinie praviadziem nievialičkuju naradu z kaardynatarami pa abłaściach. A paśla hetaha pojdziem u Centravybarkam. U hrupu ŭvachodziać 300 čałaviek. I ja liču, što hetaha dastatkova, kab sabrać nieabchodnyja pa zakonie 50 tysiač podpisaŭ», — paviedamiŭ kiraŭnik inicyjatyŭnaj hrupy, były kandydat u prezidenty Biełarusi Dźmitryj Us.
Asnoŭnyja źmieny, jakija prapanuje inicyjatyŭnaja hrupa:
— kandydaty ŭ prezidenty i deputaty pavinny atrymać prava ŭklučeńnia svaich pradstaŭnikoŭ va ŭčastkovyja vybarčyja kamisii;
— pavinien być asobny padlik hałasoŭ pa kožnym kandydacie, biuleteni pavinny raskładacca pa asobnych stosach, a pierad hetym pakazvacca ŭsim siabram kamisii i naziralnikam;
— siabry kamisij ad kandydataŭ majuć prava pastavić na advarotnym baku biuletenia svaje podpisy: heta robicca dla taho, kab ułady nie mahli ŭkidać u skryni dadatkovyja biuleteni.
Biełaruskaje zakanadaŭstva praduhledžvaje źmieny vybarčych praviłaŭ praź inicyjatyvu hramadzian. Dla hetaha isnuje śpiecyjalny paradak.
Najpierš inicyjatary pieradajuć u Centravybarkam usie dakumienty, nieabchodnyja dla rehistracyi inicyjatyŭnaj hrupy.