Druhi miesiac zapar Biełaruś skančaje z deficytam valutnych płaciažoŭ
Stymuł devalvacyi vyčerpvajecca.
U Biełarusi deficyt valutnych płaciažoŭ u krasaviku skłaŭ $45 młn. U sakaviku jon byŭ $63 młn. Miž tym u lutym i studzieni kraina mieła praficyt zamiežnahandlovych płaciažoŭ na $117 i 131 młn adpaviedna.
Salda valutnych płaciažoŭ — bolš adpaviedny kryter dla acenki stanu biahučaha rachunku, čym salda zamiežnaha handlu, bo pa vynikach kraina jašče spłačvaje častku naftamytaŭ u biudžet Rasii.
Pastupleńnie valutnaj vyručki za čatyry miesiacy biahučaha hoda skłała $17277 młn. Heta na 33,9% bolš, čym u studzieni-krasaviku 2011 hoda. Vypłaty pa imparcie, z ulikam tranśfiertu naftamytaŭ u biudžet Rasii, skłali 17137 młn. Heta na 10% bolš, čym letaś.